महापालिका निवडणुकीला रक्ताचा डाग, दोन हत्या आणि तीन जीवघणे हल्ल्ले; महाराष्ट्रात न पाहिलेलं 'जंगलराज'

मुंबई : महाराष्ट्रात सध्या महानगरपालिका निवडणुकीची धामधूम सुरू आहे.2017 नंतर तब्बल आठ वर्षांनी होत असलेल्या महानगरपालिका निवडणुकांनी महाराष्ट्रात राजकीय वातावरण तापले असतानाच, या निवडणुकांना हिंसाचाराची काळी किनार लागली आहे. प्रतिष्ठेच्या लढतीमुळे कार्यकर्ते आक्रमक झालेले असताना, निवडणूक इतिहासात ‘जंगलराज’ नसलेल्या महाराष्ट्रातच आता तेच चित्र दिसू लागले आहे. प्रचाराच्या रणधुमाळीत दोन हत्या आणि तीन जीवघेणे हल्ले घडल्याने संपूर्ण राज्य हादरले असून, लोकशाहीचा उत्सव रक्तपाताने माखला असल्याचे भयावह वास्तव समोर आले आहे.