Rohit Sharma : 'तू काय मला सांगतो...', रोहितने शॉट मारून दाखवला, गंभीरचा चेहरा पडला, ड्रेसिंग रूमच्या आतला Video लिक!

रांचीमधल्या वनडेनंतर टीम इंडियाच्या ड्रेसिंग रूममधले काही फोटो आणि व्हिडिओ समोर येत आहेत. यामध्ये विराट कोहली, रोहित शर्मा आणि कोच गौतम गंभीर यांच्यात वाद असल्याच्या प्रतिक्रिया चाहते देत आहेत. शतक केल्यानंतर विराट ड्रेसिंग रूममध्ये आला त्यानंतर गंभीरने त्याला मिठी मारली, पण दोघांच्याही चेहऱ्यावर हास्य दिसलं नाही.

विराट आणि गंभीरचा हा व्हिडिओ समोर आल्यानंतर आता रोहित शर्मा आणि गौतम गंभीर याचाही ड्रेसिंग रूममधला व्हिडिओ बाहेर आला आहे. मॅच संपल्यानंतर गौतम गंभीर आणि रोहित शर्मा यांच्यात कोणत्यातरी मुद्द्यावरून तिखट चर्चा सुरू असल्याचं दिसत आहे. या व्हिडिओमध्ये रोहित नकारार्थी मान हलवून एक शॉट मारून दाखवत आहे. तर चेहरा पडलेला गौतम गंभीर रोहितचं म्हणणं ऐकून घेत आहे.

advertisement

समोर आलेल्या या फोटो आणि व्हिडिओमध्ये रोहित आणि गंभीर नेमकं काय बोलत आहेत? हे समजत नसलं तरी दोघांमध्ये कोणत्यातरी मुद्द्यावर गंभीर चर्चा सुरू असल्याचं स्पष्टपणे जाणवत आहे.

टीम इंडियाचा विजय

या सामन्यात पहिले बॅटिंग करणाऱ्या टीम इंडियाने 8 विकेट गमावून 349 रन केले. विराटने 11 फोर आणि 7 सिक्सच्या मदतीने 135 रनची खेळी केली. तर रोहितने आक्रमक 57 रन केले. कर्णधार केएल राहुलने 60 रनचं महत्त्वाचं योगदान दिलं. या आव्हानाचा पाठलाग करताना दक्षिण आफ्रिकेचा 332 रनवर ऑलआऊट झाला. कुलदीपने सर्वाधिक 4 विकेट घेतल्या, तर हर्षित राणा आणि अर्शदीपलाही प्रत्येकी 2-2 विकेट मिळाल्या. हर्षित राणाने त्याच्या दोन्ही विकेट पहिल्याच ओव्हरमध्ये घेतल्या. दक्षिण आफ्रिकेकडून मॅथ्यू ब्रेट्जकीने 72, मार्को यानसनने 70 आणि कॉर्बिन बॉशने 67 रन केले.