जो रूट क्रीझवर आला अन्...
मंगळवार, सप्टेंबर 2 रोजी झालेल्या या मॅचमध्ये, इंग्लंडने प्रथम फलंदाजी केली, परंतु त्यांची सुरुवात खराब झाली. सलामीवीर बेन डकेट फक्त 5 धावांवर बाद झाला. त्यानंतर, जो रूट क्रीझवर आला आणि त्याने आपल्या आकर्षक कव्हर ड्राईव्हने चाहत्यांची मनं जिंकली. रूट मोठी धावसंख्या करेल अशी अपेक्षा होती, पण ते शक्य झालं नाही, ते रायन रिकेलटनमुळे...
advertisement
उडी मारून एका हाताने कॅच पकडला
आठव्या ओव्हरमध्ये, लुंगी एनगिडीने थोडी फुलर लेन्थवर बॉल टाकला. रूटने फटका मारण्याचा प्रयत्न केला, पण बॉल त्याच्या बॅटची कड घेऊन मागे गेला. रायन रिकेलटनने उडी मारून एका हाताने कॅच पकडला. जरी बॉल त्याच्या हातातून निसटला, तरी त्याने चपळाई दाखवत दुसऱ्या प्रयत्नात तो पुन्हा पकडला. रूट 17 बॉलमध्ये 14 धावा काढून बाद झाला आणि इंग्लंडचा संघ दबावात आला. रिकेलटनचा हा कॅच सोशल मीडियावर मोठ्या प्रमाणात व्हायरल झाला.
पाहा Video
इंग्लंडचा घरच्या मैदानावर मात
संपूर्ण इंग्लंडचा संघ फक्त 24.3 ओव्हरमध्ये 131 धावांवर ऑल आऊट झाला. जेमी स्मिथने 54 धावांची अर्धशतकी खेळी केली, पण त्याच्याव्यतिरिक्त कोणताही इंग्लिश खेळाडू 15 धावांच्या पुढे जाऊ शकला नाही. दक्षिण आफ्रिकेकडून केशव महाराजने 5.3 ओव्हरमध्ये 22 धावा देत 4 विकेट्स घेतल्या, तर वियान मुल्डरने 7 ओव्हरमध्ये 33 धावा देत 3 विकेट्स घेतल्या. लुंगी एनगिडी आणि नंद्रे बर्गर यांना प्रत्येकी 1-1 विकेट मिळाली. 132 धावांच्या छोट्या लक्ष्याचा पाठलाग करताना दक्षिण आफ्रिकेला कोणतीही अडचण आली नाही. त्यांनी 20.5 ओव्हरमध्ये 3 विकेट्सच्या बदल्यात हा सामना जिंकून मालिकेत 1-0 ने आघाडी घेतली आहे.