1990च्या दशकाच्या सुरुवातीला हर्षद मेहताकडे 15-20 कार्स होत्या. लेक्सस एलएस 400 या कारसाठी 45 लाख रुपये खर्च करणं त्याच्यासाठी सहज शक्य होते. या कारमध्ये स्वयंचलित टेलिस्कोपिक आणि टिल्ट स्टिअरिंग व्हील, एसआरएस एअरबॅग, इलेक्ट्रिकली अ‍ॅडजस्टेबल सीट बेल्ट आणि एक इलेक्ट्रोक्रोमिक रिव्ह्यू मिरर अशी फीचर्स होती. ही कार प्रीमियम लक्झरी सेदानपैकी एक होती. यात 4000 सीसीचं इंजिन होतं. हे इंजिन चार स्पीड ऑटोमॅटिक ट्रान्समिशनला सपोर्ट करणारं होतं. ताशी 0 ते 100 किलोमीटर वेग घेण्यासाठी या कारला केवळ 8.5 सेकंदं लागायची. या कारचा टॉप स्पीड ताशी 250 किलोमीटर होता.
advertisement
Vehicle Policy : मोकाट सांड कारला धडकला तर विमा कंपनी भरपाई देते का? कोणत्या प्रकणात मिळतो क्लेम?
त्या काळी खूप लोकप्रिय असलेली मर्सिडीज बेंझ W126 ही कार देखील हर्षद मेहताच्या कलेक्शनमध्ये होती. ही कार सर्वसामान्य नागरिकांसह जागतिक नेते आणि सेलेब्रिटीजमध्ये खूप लोकप्रिय होती. कारण ती इनोव्हेशन, टेक्नॉलॉजी, सेफ्टी आणि मेकॅनिकल अशा सर्वच दृष्टिकोनांतून सर्वोत्तम होती.
हर्षद मेहताकडे अ‍ॅकॉर्ड होंडा ही इम्पोर्टेड कार होती. या कारमध्ये 2.2 लिटर इनलाइन चार सिलिंडर इंजिन होतं. त्यातून 125 हॉर्सपॉवर शक्ती तयार व्हायची. मेहताच्या गॅरेजमध्ये फियाट पद्मिनी ही त्याकाळची सर्वांत लोकप्रिय कारदेखील होती.ही कुटुंबासाठी बनवलेली कार म्हणून ओळखली जायची. प्रिमियर पद्मिनीमध्ये 1.1 लिटर चार सिलिंडर पेट्रोल इंजिन होतं. हे इंजिन 4800 rpm वर 47bh आणि 3000 rpmवर 71 Nm टॉर्क जनरेट करायचं.
अ‍ॅम्बेसेडर ही कारदेखील हर्षद मेहताच्या कलेक्शनचा एक भाग होती. त्या काळी ही देशातली सर्वांत लोकप्रिय कार मानली जायची. देशाला हिंदुस्तान अ‍ॅम्बेसिडरची वेगळी माहिती देण्याची गरज नाही. या कारमध्ये 1.5 लिटर बीएसी बी-सीरिजचं इंजिन होतं. ते 37 हॉर्सपॉवर शक्ती जनरेट करायचं. कारमध्ये 1.5 लिटर पेट्रोल इंजिन होतं. हे इंजिन 50 एचपी आणि 100 एनएम टॉर्क जनरेट करत असे.
हर्षद मेहताच्या कलेक्शनमध्ये एचएम कॉन्टेसा ही कारही समाविष्ट होती. त्या काळी ही कार खूप लोकप्रिय होती. ती उत्तम रीतीने उत्पादित केलेली कार होती. मजबूत, रुबाबदार आणि आरामदायी अशी ही कार होती. 1990मध्ये हिंदुस्तान मोटर्सच्या या कारची किंमत 5.90 लाख रुपये होती.
हर्षद मेहताची लाइफस्टाइल उंची होती. कधी-कधी ज्या गोष्टी आपल्याला सर्वाधिक आवडतात, त्याच गोष्टी आपल्या आरोग्यासाठी हानिकारक ठरतात. हर्षद मेहताला उतरती कळा लागण्यासाठी लेक्सस एलएस 400 या कारने महत्त्वाची भूमिका बजावली. त्या काळी टाइम्स ऑफ इंडियाच्या स्तंभलेखिका सुचेता दलाल यांनी भारतीय स्टेट बँकेच्या मुख्यालयाबाहेर ही कार पाहिली. भारतात अद्याप लाँच न झालेली ही कार एक स्टॉकब्रोकर कशी खरेदी करू शकतो, असा प्रश्न त्यांना पडला. तिथूनच हर्षद मेहताचा वाईट काळ सुरू झाला.