153 वर्षांनंतरही ग्राहकांची पहिली पसंती; 1872 मध्ये पुण्यात सुरू झालेला हा व्यवसाय आजही आहे एक नंबर !

पुणे: पुणे शहराची सांस्कृतिक, ऐतिहासिक आणि पारंपरिक ओळख जपणारी अनेक ठिकाणे आजही शहराच्या विविध भागांत पाहायला मिळतात. त्यातीलच एक महत्त्वाचे आणि वैशिष्ट्यपूर्ण नाव म्हणजे रविवार पेठेतील दामोदरदास भगवानदास सुगंधी पेढी. तब्बल 153 वर्षांपासून ही पेढी पुण्याचा सुगंध जपत असून, पेशव्यांच्या काळात सुरू झालेली ही परंपरा आज सातव्या पिढीकडून अभिमानाने पुढे नेली जात आहे.