मुंबई: शिक्षण, नोकरी आणि आवड यांचा समतोल साधत अनेक तरुण आज नव्या वाटा शोधत आहेत. त्याच प्रवाहात आयटी क्षेत्रात कार्यरत असलेल्या दिव्याने आपल्या आवडीला व्यावसायिक रूप देत स्वत:चा महाराष्ट्रीयन ज्वेलरीचा व्यवसाय सुरू केला आहे. दिव्याने बीएससी आयटीमधून पदवी शिक्षण पूर्ण केले असून सध्या ती आयटी क्षेत्रात नोकरी करत आहे. मात्र नोकरीपुरतीच मर्यादित न राहता, तिने आपल्या सर्जनशीलतेला संधी देत पारंपरिक महाराष्ट्रीयन दागिन्यांच्या व्यवसायात पाऊल टाकले.

नवी मुंबई विमानतळामधून प्रवासी वाहतूक सुरु झाली. पहिल्याच दिवशी 4,000 प्रवाशांनी प्रवास केला आहे. आता मुंबईतील प्रवाशांना अटल सेतूमुळे नवी मुंबई विमानतळ प्रवास जलद होत आहे. नवी मुंबई विमानतळ ते सांताक्रुझ विमानतळ हे अवघं 18 किमी आहे. या विमानतळामुळे वेळ आणि अंतर यांची बचत होणार आहे.

सटाणा शहरामध्ये नाशिक नाका परिसरात एक भीषण अपघात झाला. रात्रीच्या वेळी एक खडीने भरलेला ट्रक भरधाव वेगाने येऊन एका मार्बलच्या दुकानाला धडकला. सुदैवाने या अपघातात कोणतीही जीवित हानी झाली नाही.

शिवसेना(उबाठा) चे खासदार संजय राऊत यांनी पत्रकार परिषदेत एक खळबळजनक दावा केला आहे. ते म्हणाले, "आम्ही याक्षणी 115 जागा जिंकत आहोत.मुंबईत ठाकरे बंधू शतक पार करणार.भाजपला ठाण्यात एकनाथ शिंदेंचा पराभव करायचा आहे."

बिबट्याची दहशत सगळीकडेच मोठ्या प्रमाणात दिसत आहे. बिबट्या आता मानवी वस्तीत शिरताना पाहायला मिळतो आहे. त्यातच हल्ली दिंडोरीच्या मुरकुटे गावात बिबट्याने धुमाकुळ घातला होता.तेव्हा बिबट्याला जेरबंद करण्याची मागणी ग्रामस्थांनी केली होती.वनविभागाने शेतात पिंजरा लावून त्याला जेरबंद केले.