SIM Cardमधून काढलं 26,55, 424 रुपयेचे सोनं; जुन्या सिम कार्डसाठी मार्केटमध्ये झुंबड उडाली, पण एका चुकीने जीवही जाऊ शकतो

सोशल मीडियावर हा व्यक्ती Qiao या नावाने ओळखला जातो. तो चीनच्या Guangdong प्रांतातील Huizhou शहराचा रहिवासी असून, पेशाने कीमती स्क्रॅप मेटल रिफाइनिंगचे काम करतो. त्याचा गोल्ड एक्स्ट्रॅक्शनचा एक व्हिडिओ तब्बल 50 लाखांहून अधिक वेळा पाहिला गेला आहे.

SIM कार्डमधून थेट सोने?

व्हिडिओमध्ये Qiao जुन्या SIM कार्ड्स केमिकलने भरलेल्या ड्रममध्ये बुडवताना दिसतो. त्यानंतर गंज प्रक्रिया, डिस्प्लेसमेंट आणि हीटिंग अशा अनेक टप्प्यांतून तो पदार्थ प्रक्रिया करतो. फिल्टरिंग आणि गरम केल्यानंतर शेवटी 191 ग्रॅम सोने वेगळे काढले जाते. रिपोर्टनुसार या सोन्याची किंमत सुमारे 2 लाख युआन, म्हणजेच जवळपास 29 हजार अमेरिकी डॉलर इतकी आहे.

advertisement

फक्त SIM कार्ड नाही, तर मोठा स्क्रॅप वापर

Qiao ने Xiaoxiang Morning Post शी बोलताना स्पष्ट केले की हे संपूर्ण सोने फक्त SIM कार्डमधून काढलेले नाही. त्यासाठी त्याने जवळपास दोन टन इलेक्ट्रॉनिक स्क्रॅप वापरला होता, ज्यामध्ये टेलिकॉम चिप वेस्टचाही समावेश होता. तज्ज्ञांच्या मते एका SIM कार्डमध्ये 0.001 ग्रॅमपेक्षाही कमी सोने असते. हे सोने इलेक्ट्रॉनिक घटकांवर अतिशय पातळ थराच्या स्वरूपात वापरले जाते, जेणेकरून स्टॅबिलिटी वाढावी आणि गंज टाळता यावा.

जुन्या SIM कार्डना अचानक मागणी

या व्हिडिओनंतर सोशल मीडिया युजर्सनी Qiao ला थेट ‘Alchemist’ असे नाव दिले. अनेकांनी स्पष्ट केले की ही प्रक्रिया प्रोफेशनल लेव्हल केमिकल नॉलेजशिवाय शक्य नाही.

तरीही व्हिडिओ पाहून प्रेरित झाल्याने मेनलँड चीनमधील रीसेल प्लॅटफॉर्मवर जुने SIM कार्ड खरेदी करण्याची चढाओढ सुरू झाली आहे. काही विक्रेते जुने SIM कार्डचे बंडल विकून नफा कमावत आहेत. तर एक व्यक्ती 485 युआनमध्ये गोल्ड रिफाइनिंग टूल्स आणि ‘हाऊ-टू’ व्हिडिओ विकत असल्याचेही समोर आले आहे.

घरात प्रयोग करू नका, धोक्याचा इशारा

Qiao ने स्वतःच लोकांना कडक इशारा दिला आहे. ही प्रक्रिया घरच्या घरी करण्याचा प्रयत्न करू नये, कारण यात Aqua Regia सारखे अतिशय धोकादायक केमिकल वापरले जाते. यामुळे विषारी वायू तयार होऊ शकतात किंवा गंभीर रासायनिक अपघात होऊ शकतात.