जंगलात सर्वात खतरनाक शिकारी म्हटले तर ते म्हणजे सिंह आणि मगर... एक जंगलाचा राजा तर दुसरा पाण्यातील. एक हरण या दोन खतरनाक प्राण्यांच्या मधोमध अडकलं. पाण्यात मगर आणि पाण्याबाहेर सिंह... अशा परिस्थितीत हे हरण होतं. पाण्यात राहिलं तर मगर जीव घेणार आणि जीव वाचवण्यासाठी पाण्याबाहेर पडलं तर सिंह. पण या परिस्थितीतही हरणाने हुशारीनं स्वतःचा जीव वाचवला. आता ते कसं ते पाहुयात.
advertisement
पिल्लाला वाचवण्यासाठी मगरीसोबत भिडलं माकड; VIDEO चा शेवट पाहून डोळ्यात येईल पाणी
व्हिडीओत तुम्ही पाहाल तर एक तलाव आहे. तलावाच्या आत एक हरण आहे आणि तलावाच्या किनाऱ्यावर सिंह. तलावात मगरही आहे. ज्याने हरणावर हल्ला केला. हरणाची शिकार करण्याचा प्रयत्न मगरीनं केला. पण हरणाने मगरीवर लाथा मारून कशीबशी तिच्या तावडीतून आपली सुटका केली आणि ते पाण्याबाहेर आलं.
पण पाण्याबाहेरही मृत्यू त्याची वाट पाहत होता. जसं हरण पाण्याबाहेर आलं तसं सिंह त्याच्यावर धावून गेला. हरणही घाबरलं नाही ते तिथंच थांबलं. हरणाला तसं शांत पाहून सिंहही शांत झाला. थोडावेळ दोघंही एकमेकांसमोर उभे राहिले. सिंहाचीही हरणाजवळ जाण्याची हिंमत काही होत नव्हती. मध्ये हरणच सिंहाच्या दिशेनं धावत गेलं. तसा सिंहही घाबरला. त्यानेही हरणाची हिंमत पाहून माघारच घेतली.
कधी पाहिलाय का लाल नाग? Video पाहून तुमचाही डोळ्यांवर विश्वास बसणार नाही
व्हिडीओच्या शेवटी हरणाची शिकार न करता सिंहच त्याच्यापासून दूर जाताना दिसतो आणि अशा पद्धतीनं हरणाचा जीव वाचतो.
@AMAZlNGNATURE या ट्विटर अकाउंटवर हा व्हिडीओ पोस्ट करण्यात आला आहे. व्हिडीओवर बऱ्याच कमेंट येत आहेत. कठीण परिस्थितीत फक्त तिुमचं धैर्यच तुम्हाला वाचवू शकतं, अशी कमेंट एका युझरने केली आहे. तुमची या व्हिडीओवरील प्रतिक्रिया आम्हाला आमच्या सोशल मीडियाच्या कमेंट बॉक्समध्ये नक्की द्या.