तुम्ही सोशल मीडियावर असे अनेक व्हिडिओ पाहिले असतील, ज्यामध्ये मुलं-मुली त्यांच्या मित्रांसोबत मस्ती करताना दिसतात. लोकांनाही असे व्हिडिओ खूप आवडतात. मात्र, सध्या इंटरनेटवर जो व्हिडिओ व्हायरल होत आहे त्याने नेटकऱ्यांच्या अंगावर काटा आणला. या व्हिडिओमध्ये काही मित्रांनी त्यांच्या मित्रासोबत अशी भयानक मस्ती केली, ज्यामुळे त्याचा जीवच धोक्यात आला.
खरं तर झालं असं, की काही मुलांनी त्यांच्या एका मित्राला एका मोठ्या टायरमध्ये बसवलं. त्यानंतर हा टायर उतारावरून खाली ढकलला. उतारामुळे टायर वेगाने खाली जाऊ लागला आणि त्यात बसलेल्या तरुणाचीही अवस्था खराब होऊ लागली. तरूणांना वाटलं की टायर सरळ मार्गावर जाईल आणि काही अंतरावर जाताच ते तो थांबवतील. मात्र, घडलं काहीतरी भलतंच.
VIDEO: साथीदाराला सिंहाच्या तावडीतून वाचवण्यासाठी सगळे हायना एकत्र आले, शेवटी डावच पालटला
काही वेळ टायर सरळ जात राहिला. मात्र, मध्येच तो उजव्या बाजूला असलेल्या दरीकडे वळला आणि नंतर उतारामुळे वेगाने पळू लागला. त्यामुळे त्यात बसलेली व्यक्तीही बराच वेळ गोल गोल फिरत राहिली. मित्राला सुखरूप वाचवण्यासाठी तरुणाने टायर पकडण्यासाठी वेगाने धाव घेतली. मात्र त्याला टायर पकडता आला नाही. आता त्या व्यक्तीचं पुढे काय झालं हे माहीत नसलं तरी हा खेळ पुन्हा खेळण्याचं धाडस त्यांच्यापैकी कोणीही परत करणार नाही, हे नक्की म्हणता येईल.