लॉस एंजेलिसमधील स्टारबक्सच्या एका आऊटलेटवर ड्रायव्हरने कॉफी घेतली होती. या प्रकरणात कॉफीच्या कपाचे झाकण योग्यरित्या बंद नसल्याचा आरोप आहे. अचानक गरम कॉफी ड्रायव्हरच्या मांडीवर पडली, त्यामुळे त्याला गंभीर भाजले गेले. यामुळे ड्रायव्हर गुप्तांगाला विकृती आली आणि नसांनाही गंभीर दुखापत झाली. या खटल्यात स्टारबक्सवर निष्काळजीपणाचा आरोप करण्यात आला होता.
स्टारबक्सला 50 दशलक्ष डॉलर्सचा दंड
advertisement
कॅलिफोर्नियातील एका ज्युरीने स्टारबक्सला मायकल गार्सिया नावाच्या ड्रायव्हरला 50 दशलक्ष डॉलर्स देण्याचे आदेश दिले आहेत. मीडिया रिपोर्ट्सनुसार, गार्सियाचे वकील मायकल पार्कर यांनी सांगितले की, त्यांचे क्लायंट गार्सिया यांना कॉफीचा ऑर्डर दिला गेला तेव्हा त्याचे झाकण नीट बंद नव्हते. त्यामुळे गरम कॉफी गार्सियावर पडली. गार्सियाला शारीरिक वेदनांसोबतच मानसिक वेदनाही झाल्या. यासोबतच त्याला निराशा, अपमान, गैरसोय, दुःख, विकृती, शारीरिक नुकसान आणि भावनिक त्रास सहन करावा लागला. त्यामुळे त्यांना नुकसानभरपाई देण्यात आली.
स्टारबक्स अपील करणार
दरम्यान स्टारबक्सने सांगितले की, कोर्टाच्या या निर्णयाविरुद्ध अपील केली जाईल. कंपनीच्या प्रवक्त्याने म्हटले की, आम्हाला गार्सियाबद्दल सहानुभूती आहे, परंतु या घटनेसाठी आम्ही दोषी आहोत. या ज्युरीच्या निर्णयाशी आम्ही असहमत आहोत. आम्हाला वाटते की नुकसानभरपाई खूप जास्त आहे. गरम पेये हाताळण्यासह कंपनी नेहमीच त्यांच्या स्टोअर्समध्ये उच्च सुरक्षा मानकांसाठी वचनबद्ध आहे.