Trending:

महाशिवरात्रीला बनणार अत्यंत दुर्मिळ योग, 'या' 3 राशींच्या लोकांचं नशीब पालटणार; होणार पैशांचा वर्षाव!

Published by:Manasee Dhamanskar

Last Updated:Feb 05, 2026 1:10 PM IST

हिंदू धर्मात महाशिवरात्रीचा सण अत्यंत महत्त्वाचा मानला जातो. यावर्षी रविवार, 15 फेब्रुवारी 2026 रोजी महाशिवरात्री साजरी होत आहे. ज्योतिषशास्त्राच्या दृष्टीने यंदाची शिवरात्र ऐतिहासिक ठरणार आहे, कारण या दिवशी आकाशात ग्रहांचे अनेक दुर्मिळ आणि शुभ संयोग जुळून येत आहेत.

इम्पॅक्ट शॉटतुमचा गेटवे लेटेस्ट न्यूज

Mahashivratri 2026 : हिंदू धर्मात महाशिवरात्रीचा सण अत्यंत महत्त्वाचा मानला जातो. यावर्षी रविवार, 15 फेब्रुवारी 2026 रोजी महाशिवरात्री साजरी होत आहे. ज्योतिषशास्त्राच्या दृष्टीने यंदाची शिवरात्र ऐतिहासिक ठरणार आहे, कारण या दिवशी आकाशात ग्रहांचे अनेक दुर्मिळ आणि शुभ संयोग जुळून येत आहेत. विशेषतः 'शुक्रादित्य राजयोग', 'चतुर्ग्रही योग' आणि 'सर्वार्थ सिद्धी योग' यांचा त्रिवेणी संगम होत असल्याने, काही राशींच्या नशिबात अचानक धनलाभाचे संकेत मिळत आहेत.

महाशिवरात्रीला बनणारे दुर्मिळ संयोग

यावर्षी महाशिवरात्रीच्या दिवशी ग्रहांचा राजा सूर्य आणि सुख-समृद्धीचा कारक शुक्र हे दोन्ही ग्रह कुंभ राशीत एकत्र असतील. या युतीमुळे 'शुक्रादित्य योग' निर्माण होत आहे. याशिवाय याच दिवशी सर्वार्थ सिद्धी योग सूर्योदयापासून रात्रीपर्यंत असणार आहे. नावाप्रमाणेच हा योग 'सर्व अर्थ सिद्ध' करणारा असतो. पंचांगानुसार, याच रात्री चंद्र देखील धनु राशीतून मकर राशीत प्रवेश करेल आणि मंगळ 'धनिष्ठा' नक्षत्रात असेल. अशा स्थितीत शिवभक्तांना महादेवाच्या पूजेचा दुप्पट फायदा मिळणार आहे.

'या' 3 राशींची चमकणार नशीब

मेष

मेष राशीच्या लोकांसाठी हे दुर्मिळ संयोग वरदान ठरतील. ग्रहांच्या स्थितीमुळे तुम्हाला अचानक धनलाभ होण्याची दाट शक्यता आहे. तुमची आर्थिक स्थिती पूर्वीपेक्षा अधिक मजबूत होईल. नोकरीत बढती किंवा पगारात मोठी वाढ होऊ शकते. महादेवाच्या कृपेने तुमचा मानसिक ताण दूर होईल आणि प्रदीर्घ काळापासून रखडलेली कामे वेग घेतील.

कन्या

कन्या राशीच्या लोकांसाठी ही महाशिवरात्री भाग्योदय करणारी ठरेल. करिअरमध्ये तुम्हाला मोठे यश मिळेल आणि उत्पन्नाचे नवीन स्रोत निर्माण होतील. नवीन व्यवसाय सुरू करण्यासाठी किंवा गुंतवणूक करण्यासाठी हा सर्वोत्तम काळ आहे. जे विद्यार्थी स्पर्धा परीक्षेची तयारी करत आहेत, त्यांना आनंदाची बातमी मिळेल. तुमची एखादी मोठी इच्छा या दिवशी पूर्ण होऊ शकते.

कुंभ

कुंभ राशीतच सूर्य आणि शुक्राची युती होत असल्याने, या राशीच्या लोकांसाठी हा काळ अतिशय खास आहे. तुमच्या नशिबाची साथ तुम्हाला प्रत्येक पावलावर मिळेल. नवीन नोकरीच्या संधी उपलब्ध होतील आणि व्यापारात मोठी प्रगती दिसेल. जर तुम्हाला परदेशी प्रवासाची इच्छा असेल, तर ती पूर्ण होण्याचे योग आहेत. जोडीदारासोबतचे संबंध सुधारतील आणि जुन्या आजारातून सुटका मिळेल.

टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)

view comments

Location :

Mumbai,Maharashtra

First Published :

Feb 05, 2026 1:10 PM IST

महाशिवरात्रीला बनणार अत्यंत दुर्मिळ योग, 'या' 3 राशींच्या लोकांचं नशीब पालटणार; होणार पैशांचा वर्षाव!