एक गैरसमज अन् रक्तरंजित थरार! पुण्यात आई-वडिलांच्या भांडणात मुलासोबतच भयानक घडलं

पुणे : कौटुंबिक वादातून उद्भवलेला एक किरकोळ गैरसमज किती विकोपाला जाऊ शकतो, याचा प्रत्यय खेड तालुक्यातील हेद्रुज येथे आला आहे. वडिलांना शिवीगाळ करणाऱ्यांना जाब विचारण्यासाठी गेलेल्या एका तरुणाला लाकडी दांडक्याने आणि लोखंडी गजाने बेदम मारहाण करण्यात आल्याची घटना समोर आली आहे. याप्रकरणी महाळुंगे एमआयडीसी पोलीस ठाण्यात चौघांविरुद्ध गुन्हा दाखल करण्यात आला आहे.