Budh Pradosh 2025: श्रावणातीत बुध प्रदोष व्रत! शंकराची कृपा मिळवण्याची भाविकांना सुवर्णसंधी, पहा विधी

मुंबई : अख्खा श्रावण महिना हा शंभू-महादेवाच्या पूजेसाठी सर्वात शुभ मानला जातो. हिंदू पंचागात श्रावण महिना पवित्र काळ मानला जातो. या महिन्यात महादेवाच्या पिंडीला जल अर्पण करणे, व्रत उपवास करणे आणि शिवमंत्रांचा जप करणे भक्तांना विशेष फळदायी मानले जाते. या महिन्यात येणाऱ्या प्रदोष व्रतालाही विशेष महत्त्व आहे, प्रदोष व्रत बुधवारी येतं तेव्हा त्याला बुध प्रदोष व्रत म्हणतात. श्रावण महिना सुरू असल्यानं या व्रताचं महत्त्व आणखी वाढलं आहे. प्रदोष व्रतामध्ये शंकराची कृपा मिळविण्याची सुवर्णसंधी मानली जाते. या दिवशी उपवास आणि पूजा केल्याने जीवनात सुख, शांती आणि समृद्धी येते. ज्योतिषी आणि वास्तु सल्लागार पंडित हितेंद्र कुमार शर्मा या विषयावर अधिक माहिती देत आहेत.