Sarvapitru Amavasya: सर्वपित्री अमावस्या संपण्यापूर्वी करा हे दान; पितृपक्षाचं पुण्य मिळतं, पितरांना मोक्षाचं दार

मुंबई : हिंदू धर्मात अमावस्या तिथीला विशेष महत्त्व आहे. अमावस्या दर महिन्याला येते. पण, भाद्रपद महिन्यातील अमावस्येला सर्वपित्री अमावस्या असं म्हणतात. हा पितृपक्षाचा शेवटचा दिवस (पितृपक्षाचा पंधरवड्याचा) असतो. पूर्वजांचे स्मरण करून त्यांना श्रद्धांजली वाहण्याचा हा एक विशेष दिवस असतो. असे मानले जाते की, या दिवशी केलेलं दान आणि अर्पण पूर्वजांच्या आत्म्याला शांती देतं, कुटुंबाला आनंद आणि समृद्धी मिळते. या दिवशी दान करणे अत्यंत पुण्यपूर्ण मानले जाते आणि त्यामुळे त्याचे अनेक पटींनी जास्त फळ मिळते.