Ashadi Ekadashi 2025: आषाढी एकादशीला घरी अशी करावी विधीपूर्वक पूजा; पांडुरंगाची लेकरांवर कृपा

मुंबई : पंढरीच्या वारीतील सर्वात महत्त्वाचा दिवस म्हणजे आषाढी एकादशी. पंढरपुरात एकादशीचा उत्साह पाहायला मिळत आहे. वारकरी अखंड हरिनामाच्या गजरात मंत्रमुग्ध झाल्याचं चित्र आहे. आषाढी एकादशीला देवशयनी एकादशी असेही म्हणतात. या दिवशी भगवान विष्णू चार महिन्यांसाठी क्षीरसागरात योगनिद्रेला जातात, अशी धार्मिक श्रद्धा आहे. या काळात चातुर्मास सुरू होतो. महाराष्ट्रात पंढरपूरची वारी या दिवशी संपते आणि विठ्ठल-रुक्मिणीची विशेष पूजा केली जाते. पंढरीला जाणं शक्य नसणाऱ्यांनी घरी पूजा करताना खालील गोष्टी करून घ्याव्या.