janmasthami 2025: स्तनपान करता-करताच बाळकृष्णानं धाडलं होतं तिला यमसदनी; पूतना राक्षसीण नेमकी कोण होती?

वध कथा - पूतना राक्षसीण खूप मायावी होती. ती हवेत उडू शकत होती आणि तिला पाहिजे ते रूप धारण करू शकत होती. कंसाच्या आज्ञेनुसार, तिने एका सुंदर स्त्रीचे रूप धारण केले आणि ती गोकुळात आली. तिने आपल्या स्तनांना विष लावले आणि लोणी खाणाऱ्या लहान बाळाच्या शोधात ती फिरू लागली.

नंदबाबांच्या घरी पोहोचल्यावर, तिने बाळकृष्णाला पाहिले. ती इतकी सुंदर दिसत होती की यशोदा मातेलाही तिच्यावर संशय आला नाही. पूतनाने मोठ्या प्रेमाने बाळकृष्णाला उचलले आणि आपल्या विषयुक्त स्तनपान देण्याचा प्रयत्न केला. पण, जसे पूतनाने बाळकृष्णाला दूध पाजायला सुरुवात केली, तेव्हा कृष्णाने केवळ दूधच नाही, तर तिच्या शरीरातील सर्व रक्त आणि प्राणही शोषून घेतले. पूतना वेदनेने ओरडू लागली आणि तिने आपले खरे राक्षसी रूप धारण केले. तिने खूप प्रयत्न केले, पण ती कृष्णाला आपल्यापासून दूर करू शकली नाही.

बाळकृष्णाने तिचा पूर्णपणे जीव शोषून घेतला. त्यामुळे ती ओरडत जमिनीवर कोसळली आणि तिचा मृत्यू झाला. तिचा शरीर इतके मोठे होते की गोकुळात एकच खळबळ उडाली. गावकऱ्यांनी तिला पाहिले आणि ते खूप घाबरले. नंतर नंदबाबा आणि इतर लोकांनी पूतनेचे शरीर जाळले.

कथेचे महत्त्व - पूतना वध ही कथा वाईटावर चांगल्याच्या विजयाचे प्रतिक आहे. वाईट हे कितीही शक्तिशाली असले तरी, त्याचा अंत निश्चित असतो, असा बोध आपल्याला या कथेमुळे येतो. यातून कृष्णाचे दैवी स्वरूप आणि त्याची बालपणीची असीम शक्ती दिसून येते.