Numerology: कुणाला त्रास देणं, छळ-कपट यांना कधीच जमत नाही! या मूलांकाच्या मुली असतात शुद्ध मनाच्या

या मूलांकाच्या महिलांचा स्वभाव साधा, दयाळू आणि अतिशय संवेदनशील असतो. त्या कोणासोबतही सहज मिसळत नाहीत, पण एकदा ती कोणाशी तरी मनाने जुळली तर ती कायम नाते टिकवून ठेवते. या मूलांकाच्या महिलांची बोलण्याची पद्धत खूप प्रभावी असते. त्यांना जवळजवळ प्रत्येक विषयाचे ज्ञान असते, परंतु त्या कधीही त्यांचे विचार कोणावर लादत नाहीत. त्यांना गप्पा मारायला आवडते.

शुद्ध मनाच्या या महिला कधीही कोणालाही फसवत नाहीत. म्हणूनच त्यांचे मित्र त्यांच्यावर खूप प्रेम करतात. मूलांक २ अंक असलेल्या महिला खर्चिक असतात. मित्रांसोबतच्या पार्ट्यांमध्ये किंवा कोणत्याही गरजेसाठी पैसे खर्च करण्यात पुढे असतात.

मूलांक 2 असलेल्या महिला फॅशन, कपडे, शिवणकाम, भरतकाम, प्रवास, हॉटेल्स आणि कला या क्षेत्रांमध्ये खूप यशस्वी होतात. नोकरीबाबत थोड्या अस्थिर असू शकतात. कोणत्याही अधिकाऱ्याशी मतभेद झाल्यास त्या सहजपणे कंटाळू शकतात किंवा त्यांची नोकरी बदलू शकतात.

या महिला भावनिक, कल्पनाशील असतात पण संकोच करणाऱ्या असतात. खरोखर एखाद्यावर प्रेम करतात तेव्हा त्याला त्यांच्या हृदयात खूप जागा देतात. मनात काय आहे ते लवकर व्यक्त करत नाहीत. त्यांचे लग्न अनेकदा थोडे उशिरा किंवा काही अडचणींनंतर होते, परंतु त्यांना त्यांच्या जोडीदाराकडून पाठिंबा मिळण्याची शक्यता असते. आरोग्य सामान्यतः चांगले असते, परंतु सर्दी, खोकला आणि कफाच्या समस्या थोड्या जास्त असतात.

आयुष्य निश्चितच संघर्षांनी भरलेले असते, परंतु ३० ते ४२ वर्षांच्या दरम्यान त्यांचे भाग्य अधिक मजबूत होऊ लागते. त्या हळूहळू जीवनात यशाच्या शिखरांना स्पर्श करतात. त्यांचे आयुष्य पैशाच्या बाबतीत संघर्षाचे असते. पैसे लवकर खर्च करतात पण देवाच्या कृपेने त्यांना वेळेवर मदत मिळते.

(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)