Parivartini Ekadashi 2025: परिवर्तिनी एकादशीला श्रीहरी कूस बदलणार! या प्रकारे पूजा केल्यानं मिळतो लाभ

या एकादशीला 'परिवर्तिनी' हे नाव पडले कारण चातुर्मासात योगनिद्रेत असलेले भगवान विष्णू या दिवशी एका कुशीवरून दुसऱ्या कुशीवर वळतात, अशी धार्मिक मान्यता आहे. या दिवशी विधीपूर्वक उपवास केल्याने सर्व पापांचा नाश होतो आणि व्यक्तीला मोक्ष प्राप्त होतो, असे मानले जाते. या दिवशी भगवान विष्णूने वामन अवतार घेतला होता, म्हणून या एकादशीला वामन एकादशी असेही म्हणतात. या दिवशी भगवान विष्णूची पूजा आणि मंत्र जप केल्याने सर्व मनोकामना पूर्ण होतात.