Auto News: जुन्या वाहनधारकांना दिलासा! 20 वर्षांपुढील वाहनांना परवानगी, जाणून घ्या नवे नियम

पुणे प्रादेशिक परिवहन कार्यालयांतर्गत सध्या 40 लाखांहून अधिक वाहनांची नोंद आहे. यामध्ये अनेक 15 वर्षांनंतरही वापरली जाणारी वाहने आहेत. पूर्वी अशा वाहनांच्या पुनर्नोंदणीसाठी पर्यावरण शुल्क भरून सुमारे साडेचार हजार रुपये खर्च येत असे. मात्र, केंद्रीय रस्ते परिवहन आणि महामार्ग मंत्रालयाने आता 20 वर्षांपुढील वाहनांच्या नोंदणीसाठी नवे शुल्क निश्चित केले आहे. हे नियम केंद्रीय मोटार वाहन (तृतीय सुधारणा) नियम, 2025 या नावाने लागू होणार आहेत. नव्या नियमांनुसार वाहनांच्या नोंदणीसाठी नियमित शुल्कासोबत स्वतंत्रपणे जीएसटीही आकारला जाणार आहे.