कार सुद्धा काहीच नाही! मार्केटमध्ये आली 320 KM रेंजची भन्नाट Scooter, किंमतही कमी!

भारतीय ऑटो इंडस्ट्रीमध्ये सध्या ईलेक्ट्रिक वाहनांचा मोठा बोलबाला आहे. सर्वच दुचाकी उत्पादक कंपन्या एकापेक्षा एक दुचाकी आणि स्कुटरची निर्मिती करत आहे. मागील काही वर्षांपासून अडचणीत सापडलेल्या ओला (ola) इलेक्ट्रिक मोटर्सने आता नव्या दमाने तयारी सुरू केली आहे. ओलाने आता स्पोर्ट प्रकारामध्ये  S1 Pro Sport च्या लाँचिंगसह त्यांच्या स्कूटर लाइनअपचा विस्तार केला आहे. त्याची सुरुवातीची किंमत 1.50 लाख रुपये (एक्स-शोरूम) ठेवण्यात आली आहे. ही स्कूटर 5.2kWh आणि 4kWh बॅटरी पॅक पर्यायांमध्ये उपलब्ध आहे, जी नवीन 4680 भारत सेलद्वारे तयार केली आहे आहे. या स्कुटरची डिलिव्हरी जानेवारी 2026 पासून सुरू होईल.