Tesla कार तशी भारी, पण भारतात घडलं भलतंच! 2 महिन्यातले आकडे समोर, कंपनीही शॉक!

जग प्रसिद्ध उद्योजक एलन मस्क यांची टेस्ला कार अमेरिकेसह जगभरात लोकप्रिय झाली. भारतातही मोठा गाजावाजा करून टेस्ला लाँच करण्यात आली. मुंबई आणि दिल्लीत शोरूमही उघडण्यात आले आहे.  टेस्लाने दोन महिन्यापूर्वीच जुलैमध्ये मुंबईत आपला पहिलं शोरूम उघडून अधिकृतपणे भारतात प्रवेश केला. त्यानंतर पुढच्या महिन्यात या ब्रँडने दिल्लीत आपला दुसरा शोरूम उघडलं. एलन मस्कच्या नेतृत्वाखालील इलेक्ट्रिक वाहन (EV) निर्मात्याने सध्या भारतात मॉडेल Y लाँच केलं आहे, ज्याची सुरुवातीची किंमत 59.89 लाख रुपये (एक्स-शोरूम) आहे. पण, किंमत जास्त असली तरी टेस्लाला दोन महिन्यात चांगला प्रतिसाद मिळाला आहे.