Hyundai Creta चं मार्केट करणार जाम, येतेय जर्मन कंपनीची पॉवरफुल SUV, सेफ्टीमध्ये टँकच!

लीक झालेल्या फोटोमुळे  volkswagen taigun 2026 च्या डिझाइनशी संबंधित तपशील अजूनही काही समोर आली नाही. पण volkswagen taigun 2026 मध्ये नवीन फ्रंट आणि रियर बंपर तसंच नव्याने डिझाइन केलेले हेडलॅम्प आणि टेललॅम्प असण्याची शक्यता आहे. तसंच, शीट मेटलमध्ये कोणताही बदल होण्याची शक्यता नाही. यामध्ये इंजिन १.० लीटर TSI  पेट्रोल इंजिन, ११५ बीएचपी पॉवर, १७५ एनएम आणि गियरबॉक्स ६-स्पीड एमटी असं असण्याची शक्यता आहे. तर दुसरा पर्याय हा  १.५ लीटर TSI पेट्रोल इंजिन, पॉवर १५० बीएचपी टॉर्क २५० एनएम आणि ६-स्पीड एमटी/७-स्पीड डीसीटी असण्याची शक्यता आहे.

फोक्सवॅगन नवीन टायगनमध्ये एडीएएस (ऑटोनोमस ड्रायव्हर असिस्टन्स सिस्टम) सूट आणि ३६०-डिग्री कॅमेरा असू शकतो. एसयूव्हीमध्ये नवीन अपहोल्स्ट्री आणि ट्रिमसह नवीन केबिन थीम देखील मिळू शकते. सध्याच्या मॉडेलमध्ये इतर फिचर्सचा समावेश असेल, ज्यामध्ये लेदरेट आणि फॅब्रिक सीट, ऑटो डिमिंग IRVM, १०-इंच टचस्क्रीन इन्फोटेनमेंट सिस्टम, वायरलेस Apple CarPlay आणि Android Auto वायरलेस चार्जिंग, टू टाइप-सी सॉकेट्स ८-इंच पूर्णपणे डिजिटल इन्स्ट्रुमेंट क्लस्टर असेल. तसंच ड्रायव्हर सीट अडजेस्टमेंट, इलेक्ट्रिक सनरूफ, लेदर इन्सर्टसह व्हेंटिलेटेड फ्रंट सीट्स, टायर प्रेशर मॉनिटरिंग सिस्टम आणि हिल स्टार्ट असिस्टसह ६ एअरबॅग्ज असण्याची शक्यता आहे.

volkswagen taigun 2026  फेसलिफ्टमध्ये मॅन्युअल आणि ऑटोमॅटिक गिअरबॉक्ससह १.० लीटर टर्बो पेट्रोल आणि १.५ लीटर टर्बो पेट्रोल इंजिन कायम ठेवण्याची शक्यता आहे. अशी चर्चा आहे की, सध्याचा ६-स्पीड टॉर्क कन्व्हर्टर ऑटोमॅटिक गिअरबॉक्स, जो फक्त १.० लीटर पेट्रोल इंजिनसह उपलब्ध आहे, तो नवीन ८-स्पीड युनिटने बदलला जाऊ शकतो. १.० लीटर TSI इंजिन ११५bhp आणि १७८Nm टॉर्कची दावा केलेली पॉवर आणि मोठ्या क्षमतेची TSI मोटर १५०bhp आणि २५०Nm टॉर्क निर्माण करते.