सातवीत शिकणाऱ्या मुलाची कमाल; एकाच वेळी मिळवल्या एकूण 7 शिष्यवृत्ती

कोल्हापूर : वेगवेगळ्या टॅलेंट सर्च परीक्षा मधून लहान मुलांना शिक्षणासाठी शिष्यवृत्ती दिल्या जात असतात. यासाठी विद्यार्थी देखील तितकेच प्रयत्न करत असतात. मात्र कोल्हापुरातील एका विद्यार्थ्याने चक्क एकाच वेळी सात शिष्यवृत्ती मिळविल्या आहेत. या सर्वच्या सर्व शिष्यवृत्ती युएसए युनिव्हर्सिटीकडून आकाशला मिळालेल्या आहेत.

कोल्हापुरातील आकाश चेलानी हा विग्योयर हायस्कूलमध्ये सातवीत शिकणारा फक्त 13 वर्षांचा मुलगा आहे. लक्ष्मीपुरी परिसरात आकाश आपल्या आईसोबत राहतो. त्याची आई रिंपल चेलानी या एका खाजगी कंपनीत काम करतात. आकाशने नोव्हेंबरमध्ये भारतात घेतल्या गेलेल्या Ei Asset Talent Search या परीक्षेत गोल्ड स्कॉलर सर्टिफिकेट मिळविले आहे. तसेच त्यातून विविध सात आतंरराष्ट्रीय शिष्यवृत्ती मिळवण्यात देखील त्याने यश मिळवले आहे. त्यामुळे आकाशच्या शिक्षक आणि मित्र परिवाराकडून त्याच्यावर शुभेच्छांचा वर्षाव करण्यात येत आहे.

माहितीसाठी संपर्क (रिंपल चेलानी) : +91 98235 75976