तरुणांसाठी सुवर्णसंधी! सैन्यात तब्बल 25 हजार पदांसाठी होतेय भरती, अर्जाची शेवटची तारीख काय?

मुंबई : नोकरीच्या शोधात असलेल्या तरुणाईसाठी आनंदाची बातमी आहे. कारण लवकरच भारती लष्करामध्ये भरती होणार आहे. अग्निवीर योजनेच्या माध्यमातून सैन्यात काम करण्याची संधी तरुणांना मिळणार आहे. यासाठी 13 फेब्रवारीपासून अर्ज करण्यास सुरुवात झाली आहे. यात जवळपास 25 हजार पदांवर भरती करण्यात येणार आहे. तर अर्ज करण्याची अखेरची तारीख ही 22 मार्च आहे. येथे ऑनलाइन अर्ज दाखल करावा लागणार आहे. यानंतर कॉमन एन्ट्रन्स एक्झाम म्हणजेच सीईई घेतली जाणार आहे. ही परीक्षा 22 एप्रिल रोजी होईल. यामध्ये उत्तीर्ण झाल्यानंतर पुढच्या प्रक्रियेचा सामना उमेदवारांना करावा लागेल. यानंतर अंतिम निवड केली जाईल. या 25 हजार जागांमध्ये लष्करामधील विविध पदांसाठी भरती होत आहे.