Indian Army: सैन्यात भरती होण्याचं स्वप्न होणार पूर्ण, दोन ठिकाणी रॅलीचे आयोजन

पुणे: भारतीय सैन्यात सामील होण्याचे स्वप्न पाहणाऱ्या महाराष्ट्रातील तरुणांसाठी एक महत्त्वाची संधी उपलब्ध झाली आहे. सैन्यात अग्निवीर आणि नियमित संवर्गासाठी भरती प्रक्रिया सुरू झाली असून, यासाठी लष्कर भरती रॅलीचे आयोजन करण्यात आले आहे. ही रॅली दोन टप्प्यांमध्ये पार पडणार आहे. रॅलीचा पहिला टप्पा पुण्यात 9 ते 19 ऑगस्ट दरम्यान आणि दुसरा टप्पा नागपूरमध्ये 3 ते 13 सप्टेंबरदरम्यान होणार आहे.