Career Opportunity: 1000 विद्यार्थ्यांना जर्मनीला जाण्याची संधी, ‘ही’ संस्था देतेय विद्यावेतन अन् प्रशिक्षण!

छत्रपती संभाजीनगर: राज्यातील एक हजार विद्यार्थ्यांना रोजगारासाठी जर्मनीत जाण्याची संधी उपलब्ध होणार आहे. डॉ. बाबासाहेब आंबेडकर संशोधन व प्रशिक्षण संस्था म्हणजेच बार्टीकडून याच रोजगार संधीच्या अनुषंगाने राज्यातील अनुसूचित जातीच्या 1 हजार विद्यार्थ्यांची निवड करण्यात आली आहे. या विद्यार्थ्यांना ‘बार्टी’ आणि ‘निटकॉन, दिल्ली’ या संस्थांकडून जर्मन भाषेचे अनिवासी प्रशिक्षण दिले जात आहे. या प्रशिक्षणाचा कालावधी तीन महिने असून संबंधितांना चार दरमहा 4 हजार रुपये विद्यावेतन देखील दिले जाणार आहे.