Vande Bharat: छ. संभाजीनगरला लवकरच मोठं गिफ्ट, मुंबईसाठी धावणार स्वतंत्र वंदे भारत एक्स्प्रेस!

नुकतेच मराठाड्यातील रेल्वेचं जाळं अधिक मजबूत करण्यासाठी केंद्र सरकारने मोठा निर्णय घेतला. छत्रपती संभाजीनगर ते परभणी रेल्वेमार्गांच्या दुहेरीकरणासाठी 2189 कोटी रुपयांचा निधी दिला. यानंतर शुक्रवारी (1 ऑगस्ट) मराठवाड्यासह विदर्भातील खासदारांच्या शिष्टमंडळाने रेल्वेमंत्री अश्विनी वैष्णव यांची भेट घेतली. या वेळी खासदार कराड यांनी छत्रपती संभाजीनगर येथील नागरिकांची सोय लक्षात घेत स्वतंत्र वंदे भारत एक्स्प्रेसची सुरू करण्याचे निवेदन वैष्णव यांना दिले.

दरम्यान, वंदे भारत एक्स्प्रेससाठीच्या दुसऱ्या टप्प्यातील रेकचा कोटा उपलब्ध होत आहे. हा रेक उपलब्ध होताच छत्रपती संभाजीनगर ते मुंबई नवीन वंदे भारत एक्स्प्रेस सुरू केली जाईल, असे आश्वासन मंत्री वैष्णव यांनी दिल्याचे डॉ. कराड यांनी सांगितले.