Inspiring Story: दोन्ही पायांनी दिव्यांग, शिक्षण 12 वी फेल, 17 वर्षांपासून करतोय हे काम, जिद्द पाहून कराल सलाम!

सोलापूर – जिद्द आणि कष्ट, मेहनत घेण्याची तयारी असेल तर कोणत्याही संकटावर मात करत उत्तुंग झेप घेता येते. याचं उत्तम उदाहरण म्हणजे सोलापूर जिल्ह्यातील एक दिव्यांग तरुण आहे. मोहोळ तालुक्यातील कामती येथील केशव लक्ष्मण गायकवाड हा 12 वी नापास असून दोन्ही पायांनी दिव्यांग आहे. मात्र, जिद्दीने तो 17 वर्षांपासून फॅब्रिकेशनचं काम करतोय. त्याचा संघर्ष आणि दीनचर्या अनेकांसाठी प्रेरणादायी ठरणारी आहे. याबाबत लोकल18 च्या माध्यमातून जाणून घेऊ.

मोहोळ तालुक्यातील कामती या गावात केशव लक्ष्मण गायकवाड राहण्यास आहे. 12 वीत नापास झाल्यानंतर केशवने कामाचा शोध सुरू केला. दिव्यांग असूनही त्याने जिद्दीनं फॅब्रिकेशन आणि वेल्डिंग क्षेत्रात काम करण्याचा निर्णय घेतला. सुरुवातीला केशव हे शेतीसाठी बनवलेल्या अवजारांना बसून पेंट करत होते. या कामाचे त्यांना महिन्याला 2 हजार रुपये मिळत होते. गेल्या 17 वर्षांपासून तो चाचा फॅब्रिकेशन अँड वेल्डिंग वर्क्स येथे काम करत आहे.