गणिताशिवाय BBA, BCA पूर्ण करता येतं का? ॲडमिशन घेण्यापूर्वी लक्षात ठेवा 'या' गोष्टी, नाहीतर...
- Published by:Arjun Nalavade
Last Updated:
बारावी नंतर गणिताशिवाय BBA आणि BCA हे करिअरच्या दृष्टीने चांगले पर्याय आहेत. BBA साठी बहुतांश कॉलेजमध्ये गणिताची आवश्यकता नसते, तर BCA साठी काही ठिकाणी गणित अनिवार्य असते. मात्र, काही...
बारावीनंतर उच्च शिक्षणासाठी कॉलेज/विद्यापीठात प्रवेश घेणाऱ्या विद्यार्थ्यांचं पहिलं प्राधान्य BBA, BCA सारख्या व्यावसायिक अभ्यासक्रमांना असतं. BBA आणि BCA सारखे कोर्स करण्यासाठी 12 वी मध्ये गणित असणे अनिवार्य आहे की नाही, यावर नेहमी चर्चा होते. जर तुम्ही १२वी मध्ये गणित विषय घेतला नसेल किंवा तुम्हाला गणिताची भीती वाटत असेल, तर BBA आणि BCA कसे करायचे हे जाणून घ्या.
गणिताशिवाय BBA : गणिताशिवाय BBA करता येते का?
BBA चा फुल फॉर्म बॅचलर ऑफ बिझनेस ॲडमिनिस्ट्रेशन (Bachelor of Business Administration) आहे. 3 वर्षांचा BBA कोर्स केल्यानंतर तुम्ही MBA (मास्टर ऑफ बिझनेस ॲडमिनिस्ट्रेशन) करू शकता. तसेच, 5 वर्षांच्या एकत्रित MBA कोर्समध्ये प्रवेश घेण्याचा पर्यायही तुमच्याकडे असतो, जो आजकाल खूप लोकप्रिय आहे.
BBA साठी गणित आवश्यक आहे की नाही?
बहुतेक कॉलेजांमध्ये BBA साठी १२वी मध्ये गणित असणे अनिवार्य नाही. तुम्ही कोणत्याही शाखेतून (वाणिज्य, कला, विज्ञान) 12 वी उत्तीर्ण झाल्यावर BBA मध्ये प्रवेश घेऊ शकता. यासाठी किमान 50% गुण असणे आवश्यक आहे (कॉलेजनुसार तपासा). मात्र, दिल्ली विद्यापीठ (DU) किंवा NMIMS सारख्या काही टॉप विद्यापीठांमध्ये गणिताला प्राधान्य दिले जाऊ शकते, खासकरून जर तुम्ही प्रवेश परीक्षा (जसे DU JAT किंवा NPAT) देत असाल तर. या परीक्षांमध्ये गणिताशी संबंधित (10वी पर्यंतच्या स्तराचे) मूलभूत प्रश्न येऊ शकतात.
advertisement
BBA मध्ये गणिताची गरज भासेल का?
BBA कोर्समध्ये मूलभूत गणिताची गरज लागते, जसे की शेकडेवारी, नफा-तोटा, साधे व्याज आणि डेटा इंटरप्रिटेशन (आकडेवारीचा अर्थ लावणे). गणिताचे हे विषय बिझनेस स्टॅटिस्टिक्स (व्यवसाय सांख्यिकी) आणि फायनान्सियल मॅनेजमेंट (आर्थिक व्यवस्थापन) मध्ये उपयुक्त ठरतात. जर तुमचं गणित कमजोर असेल, तर थोडा सराव केल्यास तुम्ही ते सहजपणे करू शकता. BBA मध्ये उच्च स्तराचे कॅल्क्युलस किंवा क्लिष्ट गणित नसतं. जर तुम्ही दहावी पर्यंत गणित शिकला असाल, तर तुम्ही त्याच आधारावर BBA चा अभ्यासक्रम पूर्ण करू शकता.
advertisement
BBA मध्ये प्रवेश कसा घ्यायचा?
1) BBA मध्ये प्रवेशासाठी अर्ज करण्यापूर्वी कॉलेजची माहिती तपासा. ज्या कॉलेजमध्ये तुम्ही प्रवेश घेत आहात, तिथे गणिताशिवाय BBA करता येते की नाही.
2) जर प्रवेश परीक्षा असेल, तर त्याचा अभ्यासक्रम बघा आणि मूलभूत गणिताचा (10वी पर्यंतचा) सराव करा. 12वी चे गुण आणि मुलाखत/ग्रुप डिस्कशनच्या तयारीवर लक्ष केंद्रित करा.
advertisement
गणिताशिवाय BCA: गणिताशिवाय BCA करता येते का?
BCA चा फुल फॉर्म बॅचलर ऑफ कॉम्प्युटर ॲप्लिकेशन्स (Bachelor of Computer Applications) आहे. चांगल्या कॉलेज किंवा विद्यापीठातून 3 वर्षांचा BCA कोर्स पूर्ण केल्यानंतर तुम्ही २ वर्षांचा MCA (मास्टर ऑफ कॉम्प्युटर ॲप्लिकेशन्स) कोर्स करू शकता. तसेच, BCA नंतर MBA करण्याचा पर्यायही तुमच्याकडे असतो.
BCA साठी गणित आवश्यक आहे की नाही?
अनेक कॉलेजांच्या BCA कोर्समध्ये प्रवेश घेण्यासाठी 12वी मध्ये गणित असणे आवश्यक आहे. हा कोर्स कॉम्प्युटर सायन्स आणि प्रोग्रामिंगवर आधारित आहे, जिथे गणिताचे ज्ञान (लॉजिक, बीजगणित, डिस्क्रीट मॅथ्स) उपयुक्त ठरते. पण काही खासगी कॉलेजांमध्ये आणि विद्यापीठांमध्ये (जसे की IGNOU किंवा काही राज्य विद्यापीठे) गणिताशिवायही प्रवेश मिळू शकतो, फक्त तुम्ही १२वी उत्तीर्ण असावे आणि गुणवत्ता यादी किंवा प्रवेश परीक्षेत पात्र ठरलेले असावे.
advertisement
BCA कोर्समध्ये गणिताची गरज भासेल का?
BCA मध्ये डिस्क्रीट मॅथ्स, स्टॅटिस्टिक्स आणि प्रोग्रामिंग लॉजिकसाठी गणिताचे मूलभूत ज्ञान आवश्यक आहे. जर तुमचं गणित अगदी शून्य असेल, म्हणजे तुम्हाला त्यात अजिबात रस नसेल, तर हा कोर्स थोडा कठीण वाटू शकतो, खासकरून पहिल्या वर्षात. चांगली गोष्ट म्हणजे BCA च्या अभ्यासक्रमातील गणित 10वी-12वी स्तराचे असते. तुम्ही ते स्वतःच्या अभ्यासाने किंवा ट्युशनच्या मदतीने कव्हर करू शकता. जर तुम्ही 12वी मध्ये गणित शिकला नसाल, तर सत्र सुरू होण्यापूर्वी मूलभूत संकल्पना समजून घ्या.
advertisement
BCA मध्ये प्रवेश कसा घ्यायचा?
- कॉलेजची पात्रता निकष तपासा. जर गणित आवश्यक असेल आणि तुम्ही ते 12 वी मध्ये शिकला नसाल, तर अशा कॉलेजांना लक्ष्य करा जे गणित अनिवार्य मानत नाहीत.
- जर प्रवेश परीक्षा असेल (जसे IPU CET, SET) तर अभ्यासक्रमात गणित असेल. संख्या प्रणाली, बीजगणित आणि लॉजिकसारख्या मूलभूत विषयांचा सराव करा. सुरुवातीपासूनच प्रोग्रामिंग आणि लॉजिकची मूलभूत समज तयार करा.
advertisement
योग्य करिअर निवडण्याचा गोंधळ कसा दूर करावा?
1) तुमची आवड ओळखा : BBA व्यवसाय आणि व्यवस्थापनासाठी आहे, ज्यात गणिताची भूमिका कमी असते. BCA हे तांत्रिक क्षेत्र आहे, जिथे गणित आणि लॉजिकची जास्त गरज असते.
2) कॉलेजची यादी तयार करा : अशा कॉलेजांची यादी तयार करा जिथे BBA आणि BCA साठी 12वी मध्ये गणित अनिवार्य नाही. त्यांच्या वेबसाइट किंवा प्रवेश कार्यालयातून खात्री करा.
3) मूलभूत गणित शिका : जर तुम्हाला गणिताची भीती वाटत असेल, तर YouTube किंवा खान अकादमीवरून (Khan Academy) मूलभूत गणित (10 वी पर्यंतचे) मोफत शिका. हे दोन्ही अभ्यासक्रमांमध्ये मदत करेल.
4) करिअरचे ध्येय निश्चित करा : BBA नंतर MBA किंवा नोकरीचा (मार्केटिंग, एचआर) पर्याय असतो. BCA नंतर MCA किंवा आयटी नोकरीचे दरवाजे उघडतात. तुमच्या ध्येयानुसार सर्वोत्तम करिअर पर्याय निवडा.
हे ही वाचा : Learn English : मुलाखतीसाठी निघालाय अन् इंग्रजी येत नाहीये? 'ही' 20 वाक्यं लक्षात ठेवा अन् नोकरी मिळवा!
हे ही वाचा : दहावीनंतर सर्वोत्तम शाखा कोणती? वेळेत घ्या निर्णय, अन्यथा आयुष्यभर करावा लागेल पश्चात्ताप!
Location :
Mumbai,Maharashtra
First Published :
March 31, 2025 12:51 PM IST
मराठी बातम्या/करिअर/
गणिताशिवाय BBA, BCA पूर्ण करता येतं का? ॲडमिशन घेण्यापूर्वी लक्षात ठेवा 'या' गोष्टी, नाहीतर...
