PSI होण्याची मनात होती जिद्द, हार मानली नाही, तब्बल 8 वेळा मुख्य परीक्षा दिल्यानंतर मिळालं यश

जालना शहरापासून 30 किमी दूर असलेल्या उज्जैनपुरी गावातील अजय शिंदे या तरुणाने नुकत्याच लागलेल्या पीएसआय पदाच्या निवड यादीत स्थान पटकावलं आहे. अजय याचे वडील भारतीय सैन्यात सैनिक म्हणून नोकरीस होते. निवृत्त झाल्यानंतर शेतामध्ये झालेल्या एका अपघातात त्यांचे निधन झालं. वडिलांचे निधन झाल्यानंतर अजय आणि त्याचा भाऊ संजय असे सगळेच कुटुंब प्रचंड खचून गेलं होतं मात्र यावरही मात करत अजय शिंदे यांनी प्रशासकीय अधिकारी होण्यासाठी प्रयत्नांची बाजी लावली.