नोकरी अन् व्यवसायाची दुहेरी संधी, दहावीनंतर घ्या ITI ला प्रवेश, पाहा संपूर्ण प्रक्रिया

नागपूर: दहावीचा निकाल लागल्यानंतर विद्यार्थ्यांमध्ये प्रवेशासाठी लगबग सुरू झाली आहे. आर्थिक दुर्बल घटकातील विद्यार्थ्यांमध्ये झटपट नोकरीसाठी लोकप्रिय असलेल्या 'आयटीआय'ला आजही तेवढीच मागणी आहे. बदलत्या ट्रेंडनुसार कौशल्य विकासाला महत्त्व आल्यामुळे मध्यमवर्गीय व श्रीमंत विद्यार्थीसुद्धा आयटीआयला प्राधान्य देत आहेत. आयटीआयची प्रवेश प्रक्रिया सुरू झाली असून एअरोनॉटिकलसह नवीन ट्रेंडमध्येही प्रवेशासाठी विद्यार्थी पसंती देत आहेत.

2) 5 जून ते 1 जुलै : अर्ज स्वीकृती केंद्रात (शासकीय किंवा खासगी आयटीआय) मूळ कागदपत्रांच्या तपासणीनंतर प्रवेश अर्ज निश्चित करणे.

3) 5 जून ते 2 जुलै : पहिल्या प्रवेश फेरीसाठी व्यवसाय व संस्थानिहाय प्राधान्य सादर करणे.

4) 4 जुलै प्राथमिक गुणवत्तायादी संकेतस्थळावर प्रसिद्ध करणे.

5) 4 ते 5 जुलै : गुणवत्तायादीबाबत हरकती नोंदविणे.

6) 7 जुलै : अंतिम गुणवत्तायादी प्रसिद्ध करणे.

7) 14 जुलै ते 24 ऑगस्ट : पहिली ते चौथी प्रवेश फेरी.

8) 17 जुलै ते 24 ऑगस्ट : नव्याने प्रवेश अर्ज करणे व प्रवेश निश्चित करणे.

9) 26 ऑगस्ट ते 29 ऑगस्ट संस्थास्तरीय समुपदेशन फेरी.

दरम्यान, एअरोनॉटिक्स, ड्रोन, रोबोटिक्स असे नवनवे कालसुसंगत कोर्सेसमुळे विद्यार्थी अधिकच आयटीआयकडे वळले आहेत. आयटीआय अभ्यासक्रम पूर्णपणे औद्योगिक क्षेत्राशी जुळला आहे. कोणत्याही औद्योगिक कंपन्यांमध्ये 15 ते 50 हजारांपर्यंतचा जॉब सहज मिळू शकतो. स्टार्टअपद्वारे उद्योग करण्याचे कौशल्यही आत्मसात करता येते. त्यामुळे आजच्या काळासाठी आयटीआय हा शिक्षणाचा उत्तम पर्याय ठरला आहे, असे सोमकुंवर यांनी सांगितलं आहे.