आयर्न लेडी! 73 जणांनी नाकारली बिझनेस आयडिया; हार न मानता उभारल्या 52,000 कोटींच्या 2 कंपन्या

Published by:News18 Marathi
trending desk

Last Updated:Jul 29, 2024 5:52 PM IST

आयआयटी दिल्लीमधून बीटेक डिग्री घेतल्यावर रुची यांनी इंडियन स्कूल ऑफ बिझनेसमधून एमबीए केलं व मॅकेन्झीसारख्या मल्टिनॅशनल कंपनीत आठ वर्षं काम केलं. यानंतर जेव्हा रुची यांनी स्वतःचा स्टार्टअप सुरू करण्याचा निर्णय घेतला.

इम्पॅक्ट शॉटतुमचा गेटवे लेटेस्ट न्यूज

+ Follow usOn Google

मुंबई : तुम्ही एखादी गोष्ट करायची मनाशी पक्की गाठ बांधली असेल तर तुम्हाला यशस्वी होण्यापासून कोणीच रोखू शकत नाही. कितीही अपयश आले तरी तुम्ही त्याचा सामना करून यश मिळवू शकता. याचं मूर्तिमंत उदाहरण म्हणजे भारतातल्या सर्वांत यशस्वी उद्योजकांपैकी एक असलेल्या रुची कालरा आहेत. रुची आणि त्यांचे पती आशिष महापात्रा हे आज देशातले असे एकमेव उद्योजक आहेत जे दोन युनिकॉर्न स्टार्टअप यशस्वीरीत्या चालवत आहेत. आज त्यांच्या दोन्ही कंपन्यांची एकूण मार्केट व्हॅल्यू 52 हजार कोटी रुपये आहे. एक काळ असा होता, की रुची यांची बिझनेस आयडिया 73 जणांनी नाकारली होती; पण त्यांनी हार मानली नाही.

आयआयटी दिल्लीमधून बीटेक डिग्री घेतल्यावर रुची यांनी इंडियन स्कूल ऑफ बिझनेसमधून एमबीए केलं व मॅकेन्झीसारख्या मल्टिनॅशनल कंपनीत आठ वर्षं काम केलं. यानंतर जेव्हा रुची यांनी स्वतःचा स्टार्टअप सुरू करण्याचा निर्णय घेतला तेव्हा पती आशिष यांनी पूर्ण पाठिंबा दिला. यानंतर रुची यांना गुंतवणूकदाराची गरज होती. त्यांनी आपली कल्पना कागदावर उतरवली आणि एक बिझनेस प्लॅन तयार केला. आपली बिझनेस आयडिया घेऊन रुची यांनी अनेक गुंतवणूकदारांच्या भेटी घेतल्या; पण सर्वांनीच ही आयडिया चांगली नसल्याचं सांगून नकार दिला; पण रुची यांचा स्वतःवर विश्वास होता आणि त्या फक्त गुंतवणूकदाराच्या शोधात होत्या.

( Multivitamins Side Effects: तुम्ही रोज Multivitamins च्या गोळ्या-औषधं घेता का? सावधान होऊ शकतं मोठं नुकसान )

73 जणांना भेटल्यावर सापडला गुंतवणूकदार

रुची यांनी 73 जणांना आपली बिझनेस आयडिया ऐकवली; पण सर्वांनी नकार दिला. त्यानंतर त्यांना एक गुंतवणूकदार सापडला. 2015मध्ये त्यांनी बीटूबी प्‍लॅटफॉर्म ऑफ बिझनेस (Of Business) नावाने एक स्‍टार्टअप कंपनी सुरू केली. हा प्‍लॅटफॉर्म इंडस्‍ट्रीजना कच्चा माल पुरवतो. तुम्हाला आश्चर्य वाटेल, की फक्त नऊ वर्षांत या कंपनीचं व्हॅल्यूएशन 44 हजार कोटींवर पोहोचलं आहे.

पुन्हा उभारली आणखी एक कंपनी

एका स्टार्टअपच्या यशानंतर रुची यांनी 2017मध्ये ऑक्सिझो फायनान्शियल सर्व्हिसेस नावाची दुसरी स्टार्टअप कंपनी सुरू केली. हा प्लॅटफॉर्म त्यांच्या प्लॅटफॉर्मवरून कच्चा माल खरेदी करणाऱ्या ग्राहकांना फायनान्शिअल सर्व्हिसेस पुरवतो. या स्टार्टअपने नुकतंच 200 कोटी डॉलरचं फंडिंग उभारलं. या कंपनीचं व्हॅल्युएशन अंदाजे 8,300 कोटी रुपये आहे. अशा प्रकारे त्यांच्या दोन्ही स्टार्टअप कंपन्या आज युनिकॉर्न झाल्या आहेत.

आज 2,600 कोटी रुपयांची नेटवर्थ

सद्यस्थितीत रुची कालरा यांच्या दोन्ही कंपन्यांची मार्केट व्हॅल्यू 52 हजार कोटी रुपये आहे. एवढंच नाही, तर रुची यांची नेटवर्थदेखील 2022मध्येच 2,600 कोटी रुपयांवर पोहोचली होती. 2021मध्ये त्यांच्या कंपनीचा रेव्हेन्यू 197 कोटी रुपये होता. तो 2022मध्ये वाढून 313 कोटी रुपयांवर पोहोचला. तुमचा स्वतःवर विश्वास असेल आणि तुम्हाला आयुष्यात काय करायचं हे ठरवलं असेल तर कोणतंही ध्येय सहज गाठता येतं, हे रुची यांच्या यशावरून दिसून येतं.

view comments

Location :

Mumbai,Maharashtra

First Published :

Jul 29, 2024 5:52 PM IST

आयर्न लेडी! 73 जणांनी नाकारली बिझनेस आयडिया; हार न मानता उभारल्या 52,000 कोटींच्या 2 कंपन्या