आई वडिलांचं स्वप्न पूर्ण करण्यासाठी केंद्र सरकारची नोकरी सोडली, शेवटी तरुणानं करुन दाखवलं!

सात्विक श्रीवास्तव याने सांगितले की, त्याने अधिकारी होण्यासाठी खूप मेहनत घेतली. जो काही वेळ मिळेल तो अभ्यासात लक्ष घातले. पीसीएस होण्यासाठी त्याला तीन टप्पे पार करायचे होते म्हणून त्याने स्वतःच्या धोरणावर आधारित अभ्यास सुरू केला. प्री, मेन्स आणि इंटरव्ह्यू प्रमाणेच प्रत्येक टप्प्यासाठी तयारी करावी लागली. पूर्वपरीक्षेबाबत त्याने सांगितले की, तो कमीत कमी सोर्स ठेवायचा आणि त्याची उजळणी करायचा. मेन्ससाठी उत्तर लिहिण्यावर खूप लक्ष केंद्रित केले पाहिजे. पूर्वपरीक्षेनंतर ते सुरू करू नका. उलट पूर्व परीक्षेपूर्वी तुमची मुख्य तयारी 75 ते 80 टक्के पूर्ण झाली पाहिजे. तसेच मुलाखत ही व्यक्तिमत्व चाचणी आहे असे त्याने सांगितले. कमी पुस्तके वाचली तरी चालेल. पण रोज वाचले तर यश नक्की मिळेल, असा सल्ला त्याने दिला.