IAS, IPS साठी सिलेक्शन नाही, पण नोकरी मिळणार, UPSC उमेदवारांसाठी आनंदाची बातमी!
- Published by:Priya Lad
Last Updated:
UPSC Pratibha Setu : केंद्रीय लोकसेवा आयोग म्हणजेच यूपीएसीने उत्तीर्ण होऊन निवड न झालेल्या उमेदवारांसाठी एक अद्भुत नोकरी योजना आणली आहे. आयोगाने अलीकडेच 'प्रतिभा सेतू' नावाचा एक नवीन उपक्रम सुरू केला आहे.
नवी दिल्ली : आपण IAS, IPS ऑफिसर व्हावं, असं स्वप्न कित्येकांचं असतं. पण यासाठी द्यावी लागणारी UPSC परीक्षाही तितकी सोपी नाही. दिवसरात्र मेहनत करून काही मोजकेच लोक या परीक्षा उत्तीर्ण होतात, अगदी मुलाखतीतही पास होतात. पण शेवटी काहींचं सिलेक्शन होत नाही. सगळ्या परीक्षा उत्तीर्ण होऊनही निवड झाली नाही म्हणजे उमेदवारासाठी ते वर्ष वाया गेल्यासारखंच आहे. पण आता बिलकुल टेन्शन घेऊ नका. IAS, IPS ऑफिसर नाही झालात तरी तुम्हाला सरकारी किंवा खासगी नोकरी पक्की आहे.
केंद्रीय लोकसेवा आयोग म्हणजेच यूपीएसीने उत्तीर्ण होऊन निवड न झालेल्या उमेदवारांसाठी एक अद्भुत नोकरी योजना आणली आहे. आयोगाने अलीकडेच 'प्रतिभा सेतू' नावाचा एक नवीन उपक्रम सुरू केला आहे. ज्याद्वारे यूपी नागरी सेवा परीक्षेच्या (CSE) अंतिम यादीत स्थान मिळवू न शकलेल्या प्रतिभावान उमेदवारांना संधी दिली जाणार आहे.
'प्रतिभा सेतू' म्हणजे काय?
प्रतिभा सेतू पूर्वी सार्वजनिक प्रकटीकरण योजना (पीडीएस) म्हणून ओळखली जात असे. त्याची सुरुवात 2017 च्या संयुक्त वैद्यकीय सेवा परीक्षाच्या उमेदवारांपासून झाली. ही योजना पहिल्यांदा 2018 मध्ये वापरली गेली. अद्ययावत आणि नामांतरित 'प्रतिभा सेतू' पोर्टलचे उद्दिष्ट यूपीएससी उमेदवारांसाठी रोजगाराच्या संधी सुधारणं आहे.
advertisement
'प्रतिभा सेतू' पोर्टल अशा उमेदवारांची माहिती प्रदान करते जे यूपीएससी परीक्षेत यशस्वी झाले होते परंतु अंतिम गुणवत्ता यादीत येऊ शकले नाहीत. हे असे उमेदवार आहेत ज्यांनी मुलाखतीसह सर्व यूपीएससी परीक्षा उत्तीर्ण केल्या आहेत, परंतु अंतिम यादीत निवड चुकली आहे. या पोर्टलद्वारे सरकारी आणि खाजगी क्षेत्रात नोकऱ्या देणाऱ्या कंपन्या अशा उमेदवारांशी थेट संपर्क साधू शकतील.
advertisement
प्रतिभा सेतू पोर्टल कसं काम करेल?
नोंदणीकृत संस्थांना यूपीएससी लॉगिन आयडी दिला जाईल. याद्वारे ते आगामी रिक्त पदांसाठी पात्र उमेदवारांची माहिती पाहू शकतील. सरकारी कंपन्यांव्यतिरिक्त, खाजगी कंपन्या देखील यूपीएससी पोर्टलद्वारे साइन अप करून ही माहिती मिळवू शकतात. डेटामध्ये प्रत्येक उमेदवाराची शैक्षणिक पात्रता आणि कराराची माहिती असेल. जेणेकरून उमेदवार नियोक्त्यांशी संपर्क साधू शकतील. आयोगाच्या मते, डेटाबेसमध्ये असे 10000 हून अधिक उमेदवार आहेत जे सर्व परीक्षा टप्प्यात उत्तीर्ण झाले आहेत, परंतु अंतिम निवडीमध्ये येऊ शकले नाहीत.
advertisement
8 परीक्षांच्या उमेदवारांसाठी नोकरीची योजना
या योजनेत विविध यूपीएससी परीक्षांमधील अशा उमेदवारांचा समावेश आहे ज्यांची निवड अद्याप झालेली नाही पण ते काम करू इच्छितात. या पोर्टलमध्ये 8 परीक्षांचा समावेश असेल.
नागरी सेवा परीक्षा
भारतीय वन सेवा
केंद्रीय सशस्त्र पोलिस दल (CAPF)
अभियांत्रिकी सेवा
संयुक्त वैद्यकीय सेवा
भारतीय आर्थिक आणि सांख्यिकी सेवा
advertisement
संयुक्त भू-वैज्ञानिक परीक्षा
संयुक्त संरक्षण सेवा (सीडीएस).
यूपीएससी अधिकाऱ्यांच्या मते, ही नवीन प्रणाली नियोक्त्यांना निवडलेल्या उमेदवारांइतकेच प्रतिभावान उमेदवारांपर्यंत पोहोचण्यास मदत करतं. यामुळे या उमेदवारांना सरकारी नोकऱ्यांव्यतिरिक्त इतर क्षेत्रात यशस्वी होण्याची संधी मिळते. अधिकारी बनण्याचे स्वप्न पाहणाऱ्या परंतु काही कारणास्तव अंतिम यादीत स्थान न मिळवणाऱ्या तरुणांसाठी हा उपक्रम आशेचा किरण आहे.
Location :
Delhi
First Published :
June 20, 2025 11:50 AM IST
