गर्लफ्रेंडच्या मामाने दिली धमकी, 20 वर्षांच्या बाॅयफ्रेंडने संपवलं आयुष्य, 5 वर्षांचं प्रेम क्षणात उद्ध्वस्त

एका तरुणाने आपल्या प्रेयसीच्या मामाच्या धमकीमुळे आत्महत्या केली आहे. औरैया जिल्ह्यातील (उत्तर प्रदेश) मूळ रहिवासी असलेला 20 वर्षांचा गोपाल एका थर्मल प्लांटमध्ये काम करत होता. या घटनेनंतर पोलिसांनी गुन्हा दाखल करून तपास सुरू केला आहे. ही घटना हरियाणातील पानिपतमध्ये घडली. मिळालेल्या माहितीनुसार, गोपालचं गेल्या 5 वर्षांपासून एका मुलीवर प्रेम होतं. ही मुलगी मूळची औरैयाची असून सध्या कुरूक्षेत्रात राहत होती. दोघेही अनेकदा एकमेकांना भेटायला जात असत. जेव्हा मुलीच्या कुटुंबीयांना या प्रेमसंबंधांबद्दल कळलं, तेव्हा त्यांनी या नात्याला विरोध केला.