चोरीचा प्रयत्न फसला; एक चोर सापडला, तर दुसरा चौथ्या मजल्यावरून पडला, साताऱ्यात घरफोडीचा थरार 'असा' घडला!

सातारा : मंचर पुणे येथे राहणारे 20-21 वर्षांचे 2 तरुण साताऱ्यात घरफोडी करण्यासाठी आले. एका इमारतीमध्ये पहाटे साडेतीन वाजता शिरले. त्यांनी पहिल्यांदा इमारतीतील प्रत्येक फ्लॅटचा दरवाजांना बाहेरून कड्या घातल्या. बंद असलेले 2 फ्लॅट फोडले. सोने आणि काही रक्कम घेतली. पुढे तिसरा फ्लॅट फोडताना मोठा आवाज आला. त्यामुळे सुट्टीवर घरी आलेल्या फ्लॅटमध्ये रहिवाशी असणाऱ्या जवानाला जाग आहे. त्यांनी दरवाजा उघडण्याचा प्रयत्न केला. पण बाहेरून कडी होती. त्यांच्या पत्नीने खिडकीतून हात घालून दरवाजा उघडला. तोच जवानाच्या डोक्यात लोखंडी कटावणीने एका चोरट्याने हल्ला केला.