विम्याच्या 80 लाख रुपयांमुळे छळ, गरोदर विवाहितेने उचललं टोकाचं पाऊल, छ. संभाजीनगरमधील धक्कादायक घटना

सासरकडील नातेवाइकांनीही आर्थिक लोभापोटी पल्लवीवर दबाव वाढवला होता. नणंद सीमाच्या विवाहासाठी मोठ्या रकमेची मागणी करण्यात आली होती. मिळालेल्या माहितीनुसार, २० लाख रुपयांची ही मागणी पूर्ण न झाल्याने तिचा मानसिक छळ वाढवण्यात आला आणि अखेर तिला १० लाख रक्कम देण्यास भाग पाडल्याचा आरोप आहे. त्यानंतर दुसरी नणंद अर्चना जाधव आणि तिचा पती किशोर जाधव यांनी घर उभारणीसाठी पुन्हा २० लाख रुपयांची मागणी केली. या दोघांनीही सतत त्रास देत पल्लवीकडून मोठी रक्कम उकळल्याचे तक्रारीत नमूद आहे. या प्रकरणी पतीसह सासरच्या पाच नातेवाइकांविरोधात गुन्हा नोंदवण्यात आला असून, पोलिसांकडून पुढील तपास सुरू आहे.