Trending:

भाजप नेत्याकडून प्रेयसीसाठी बायकोची निर्घृण हत्या, मृतदेहाजवळ रडत बसला पण.. 24 तासांत कांड उघड

Published by:Ravindra Mane

Last Updated:August 17, 2025 6:49 AM IST

BJP Leader Killed Wife for Girlfriend: भारतीय जनता पक्षाच्या एका नेत्याने आपल्या पत्नीची निर्घृण हत्या केल्याची धक्कादायक घटना उघडकीस आली आहे. अनैतिक संबंधात अडथळा बनत असल्याच्या कारणातून पत्नीला संपवलं आहे.

इम्पॅक्ट शॉटतुमचा गेटवे लेटेस्ट न्यूज

BJP Leader Killed Wife for Girlfriend: भारतीय जनता पक्षाच्या एका नेत्याने आपल्या पत्नीची निर्घृण हत्या केल्याची धक्कादायक घटना उघडकीस आली आहे. आरोपी भाजप नेत्याने अनैतिक संबंधात अडथळा बनत असल्याच्या कारणातून पत्नीला संपवलं आहे. त्याने पत्नीची हत्या केल्यानंतर घरात दरोडा पडल्याचा बनाव रचला. अज्ञाताने घरात दरोडा टाकून पत्नीची हत्या केली, असं त्याने पोलिसांना सांगितलं. रचलेली स्टोरी खरी वाटावी, यासाठी आरोपी भाजप नेता बराच वेळ पत्नीच्या मृतदेहाजवळ रडत बसला. पण त्याचा हा बनाव फार काळ टिकला नाही. पोलिसांनी आरोपी भाजप नेत्यासह त्याच्या प्रेयसीला अटक केली आहे.

रोहित सैनी असं खून करणाऱ्या भाजप नेत्याचं नाव आहे. तो राजस्थानमधील अजमेर येथील रहिवासी आहे. तर संजू सैनी असं हत्या झालेल्या महिलेचं नाव आहे. या प्रकरणी पोलिसांनी आरोपी रोहित सैनीची प्रेयसी रितूला देखील ताब्यात घेतलं आहे. दोघांची कसून चौकशी सुरू आहे.

प्रेयसीसाठी पत्नीची हत्या

पोलिसांनी दिलेल्या माहितीनुसार, भाजप नेता रोहित सैनीने त्याची प्रेयसी रितू सैनीच्या सांगण्यावरून त्याची पत्नी संजूची हत्या केली. सुरुवातीला रोहितने पोलिसांना सांगण्याचा प्रयत्न केला की काही अज्ञात दरोडेखोर घरात घुसले, त्यांनी संजूची हत्या केली आणि मौल्यवान दागिने घेऊन पळून गेले, परंतु पोलिसांनी सखोल चौकशी सुरू केली. तेव्हा रोहितचे जबाब वारंवार बदलू लागले. या विरोधाभासानंतर पोलिसांचा त्याच्यावरील संशय बळावला.

हत्येला दरोड्याचं स्वरूप देण्याचा प्रयत्न

अतिरिक्त एसपी ग्रामीण दीपक कुमार म्हणाले की, आरोपीची काटेकोरपणे चौकशी केली असता त्याने गुन्हा कबूल केला. रोहितने सांगितले की त्याचे त्याची प्रेयसी रितूशी दीर्घकाळचे संबंध होते आणि पत्नी संजू त्यांच्या नात्यात सर्वात मोठा अडथळा होती. रितूनेच त्याच्यावर संजूपासून सुटका करण्यासाठी दबाव आणला आणि या दबावाखाली रोहितने त्याच्या पत्नीची निर्घृण हत्या केली.

खून केल्यानंतर, रोहितने संपूर्ण घटना दरोड्यातून घडली असल्याचा सांगण्याचा प्रयत्न केला. जेणेकरून पोलिसांची दिशाभूल होईल. परंतु पोलिसांच्या तीक्ष्ण नजरेमुळे आणि जलद तपासामुळे त्याचा कट उघडकीस आला. या प्रकरणात मुख्य आरोपी रोहित सैनीला पोलिसांनी आधीच अटक केली होती. आता तपासात त्याची प्रेयसी रितूचा सहभाग समोर आल्याने पोलिसांनी तिलाही अटक केली आहे. पोलीस आता दोन्ही आरोपींची कसून चौकशी करत आहेत आणि या घटनेत आणखी कोणी सहभागी आहे की नाही हे शोधण्याचा प्रयत्न करत आहेत.

view comments

Location :

Ajmer,Rajasthan

First Published :

August 17, 2025 6:49 AM IST

भाजप नेत्याकडून प्रेयसीसाठी बायकोची निर्घृण हत्या, मृतदेहाजवळ रडत बसला पण.. 24 तासांत कांड उघड