हनीमून झाला अन् सासरी प्रवेश नाकारला, नवविवाहितेचं पतीच्या घरासमोर आंदोलन

नवविवाहित शालिनी सिंघलने आपल्या सासरच्यांवर 50 लाख रुपयांच्या हुंड्याची मागणी केल्याचा गंभीर आरोप केला आहे. मात्र, पती प्रणव सिंघलने हे आरोप फेटाळले असून उलट शालिनीवरच त्याने गंभीर आरोप केले आहेत. प्रणव सिंघलने पोलिसांकडे दिलेल्या जबाबात सांगितले की, मेरठमधील प्रसिद्ध ब्लू ड्रम हत्याकांडामुळे तो आणि त्याचा परिवार घाबरलेला आहे.

शालिनी आणि प्रणव यांचा विवाह 2 फेब्रुवारी 2025 रोजी झाला होता. त्यानंतर 15 फेब्रुवारीला दोघेही हनिमूनसाठी इंडोनेशियाला गेले. मात्र, काही मतभेद झाल्यामुळे ते दहा दिवसांतच परतले. शालिनी 5 मार्चपर्यंत सासरी होती, पण 6 मार्चला होळीच्या निमित्ताने ती माहेरी निघून गेली. 30 मार्च रोजी परत आल्यानंतर मात्र तिला घरात प्रवेश दिला गेला नाही. त्यामुळे तिने थेट पतीच्या घरासमोरच आंदोलन सुरू केले आहे.