यांचा गेमच करून टाका..., चहा पिताना चुकून धक्का लागला, छ. संभाजीनगरात तुफान राडा, 17 जण थेट रुग्णालयात

छत्रपती संभाजीनगर : सिडकोतील कॅनॉट प्लेस परिसरात रविवारी रात्री 9 वाजण्याच्या सुमारास कॉलेजमध्ये शिक्षण घेणाऱ्या तरुणांच्या दोन गटांत प्रचंड हाणामारी झाली. सुरुवातीला किरकोळ वादातून सुरू झालेला प्रकार थेट चाकू आणि लाकडी दांड्यांपर्यंत पोहोचला. या घटनेत दोन्ही गटांतील एकूण 17 तरुण जखमी झाले असून, त्यापैकी दोघांची प्रकृती चिंताजनक आहे. गंभीर जखमींवर घाटी रुग्णालयात उपचार सुरू आहेत. सोमवारी (26 जानेवारी) रात्री 9 वाजता ही घटना घडली. या प्रकरणी सिडको पोलिसांनी दोन्ही गटांतील 17 जणांविरुद्ध गुन्हा दाखल केला आहे.