जांभळावरून वाद, चुलत भावाची हत्या, पुरावे हाती लागताच आरोपीची आत्महत्या, पण हत्येमागे होतं 'हे' खरं कारण

पोलिसांच्या माहितीनुसार 14 ऑगस्ट रोजी बिस्किट आणण्यासाठी गावात जाणाऱ्या सिद्धार्थ विजय चव्हाण (वय-12) या शाळकरी मुलाचा मुद्देश वडगाव शिवारात खून झाल्याचे घटना घडली होती. या घटनेनंतर 3 दिवसांत सिद्धार्थचा चुलत भाऊ स्वप्नील संजय चव्हाण (वय-22) याचा मृतदेह शिवारातील एका विहिरीत सापडला. या प्रकरणाचे गूढ उकलण्यात पोलिसांना यश आलेलं आहे.

सिद्धार्थ आणि स्वप्नीलच्या वडिलांमध्ये भावकीतील वाद होता. तो वाद पोलिसांच्या मदतीने मिटवण्यात आला होता. पण या वादाचा परिणाम या दोन भावांवर झालेला होता. त्यामुळे दोघांच्यात सारखे खटके उडत होते. काही दिवसांपूर्वी सिद्धार्थ आणि स्वप्नील यांच्यात जांभळावरून किरकोळ वाद झालेला होता. त्याचा राग स्वप्नीलच्या मनात होता. त्यामुळे बिस्किट आणायला गेलेल्या सिद्धार्थची स्वप्नीलने हत्या केली.