Sangli News: रेठरेधरणात श्रेयवादातून राडा; उपसरपंचाच्या घरात घुसून आई आणि पत्नीला बेदम मारहाण!

संशयितांनी केवळ मारहाण केली नाही, तर घरात घुसून साहित्याची मोडतोड केली आणि घराबाहेर उभ्या असलेल्या गाड्यांचेही नुकसान केले. या प्रकरणी विकास विलास पाटील, सुहास गुणवंत पाटील, तानाजी मारुती पाटील, बाजीराव मारुती पाटील, विनायक बाजीराव पाटील, सर्जेराव वसंत पाटील, सचिन शिवाजी पाटील, शंभू विकास पाटील, सुयोग अशोक पाटील, पिल्या लोहार, सुयोग मोहिते, दादा पवार, स्वप्निल सूर्यवंशी यांच्याविरोधात गुन्हा दाखल करण्यात आला आहे.

पोलिसांनी दिलेल्या माहितीनुसार, वाकुर्डे योजनेचे पाणी गावामध्ये आणण्याच्या श्रेयवादावरून रेठरेधरण ग्रामपंचायतीमध्ये सत्ताधारी आणि विरोधकांमध्ये मोठा वाद सुरू होता. गुरुवारी सकाळी 9 वाजण्याच्या सुमारास उपसरपंच मदन पाटील यांचा मुलगा ओंकार शेतातून परत येत असताना, बसस्थानकासमोर त्याला विकास पाटील भेटला. "काय बघतोस माझ्याकडे, तुला लय मस्ती आली आहे," असे म्हणून विकासने ओंकारला डिवचले आणि निघून गेला.