Weather Alert: विजा कडाडणार, कोल्हापूर ते पुणे पुन्हा धो धो पाऊस, 2 ऑगस्टचा हवामान अंदाज

राज्यातील पावसाचा जोर ओसरला असला तरी, काही ठिकाणी हलका पाऊस पडत आहे. आज 2 ऑगस्ट रोजी विदर्भात विजांसह पावसाच्या सरींची शक्यता असल्याने हवामान विभागाने सतर्कतेचा इशारा दिला आहे. तसेच उर्वरित राज्यात ढगाळ आकाशासह तुरळक ठिकाणी सरींची शक्यता आहे.

पुणे जिल्ह्यात पावसाचा जोर कमी झाला आहे. घाटमाथ्यावर आणि धरणक्षेत्रात देखील पावसाने विश्रांती घेतली आहे. मागील 24 तासात पुणे जिल्ह्यात 2.6 मिलीमीटर पाऊस नोंदविण्यात आला. यावेळी कमाल तापमानाचा पारा 29 अंश सेल्सिअस होता. पुढील 24 तासात संपूर्ण पुणे जिल्ह्यात हलक्या पावसाची शक्‍यता आहे. कमाल तापमान 28 तर किमान तापमान 22 अंश सेल्सिअस इतके राहील.

सातारा जिल्ह्यात मागील 24 तासात 2 मिलिमीटर पावसाची नोंद झाली. पुढील 24 तासात साताऱ्यातील कमाल तापमान 27 अंश सेल्सिअस राहील. सातारा जिह्यात विजांच्या कडकडाटाची शक्यता हवामान विभागाने व्यक्त केली आहे.

कोल्हापूर जिल्ह्यात मागील 24 तासात 6 मिलीमीटर पावसाची नोंद झाली. यावेळी कमाल तापमान 27.1 अंश सेल्सिअस राहिले. पुढील 24 तासात कमाल तापमान 28 अंशावर राहिल. कोल्हापूर जिल्ह्यात विजांच्या गडगडाटासह एक-दोन वेळा तुरळक पाऊस पडेल.

सोलापूर जिल्हात मागील 24 तासात 0.3 मिलीमीटर पावसाची नोंद झाली. तसेच 32.3 अंश सेल्सिअस कमाल तापमानाची नोंद झाली. पुढील 24 तासात कमाल तापमान 31 अंशावर राहण्याची शक्यता आहे. तसेच सोलापूर जिल्ह्यात गडगडाटासह पावसाची शक्यता कायम आहे.

मागील 24 तासात सांगली जिल्ह्यामध्ये 1 मिलीमीटर पावसाची नोंद झाली. पुढील 24 तासात ढगाळ आकाशासह हलक्या पावसाची शक्यता हवामान विभागाने वर्तवली आहे. यावेळी जिल्ह्यातील कमाल तापमान 30 तर कमान तापमान 22 अंश सेल्सिअस इतके राहील. ढगांच्या गडगडाटासह आकाश ढगाळ राहिल.

पश्चिम महाराष्ट्रात पावसाच्या उघडिपीसह तापमानात चढ-उतार सुरूच आहेत. उर्वरित राज्यात अंशतः ढगाळ आकाश राहण्याचा, तसेच तुरळक ठिकाणी विजांसह हलक्या सरींचा अंदाज आहे. हवामानातील सततच्या बदलांमुळे आरोग्याच्या समस्या निर्माण होऊ शकतात. त्यामुळे नागरिकांना योग्य ती काळजी घ्यावी लागेल.