Shivsena: 'ठाकरे ब्रँड जिंदा है', शिवसेना कुणाची? मुंबईकरांनी 3 निवडणुकीत लावला खरा निकाल

मुंबई महापालिका निवडणुकीच्या तोंडावर मराठीच्या मुद्यावर दोन्ही ठाकरे बंधू एकत्र आले, त्यानंतर पालिका निवडणूक एकत्र लढणार अशी घोषणा केली आणि निवडणूक लढवली. पण, ठाकरे बंधू एकत्र आल्यामुळे ही त्यांच्या अस्तित्वाची लढाई आहे, असं म्हणून भाजपने टीका केली. पण, महापालिकेच्या निवडणुकीत ठाकरे बंधू जिंकले नसले तरी ठाकरे हा ब्रँड पुसवू सुद्धा शकले नाही. शिवसेना कुणाची आहे, याचा निकाल आज मुंबईकरांनी विजयी जागांमधून स्पष्ट करून दाखवला आहे.

शिवसेना म्हणजेच ठाकरे. हे मुंबईच्या मतदारांनी स्पष्टपणे निकाली काढलं आहे. महापालिकाच्या निकालात ठाकरे गटा मुंबई पालिकेत दुसऱ्या क्रमांकाचा मोठा पक्ष ठरला आहे. एकनाथ शिंदे यांनी शिवसेना गट स्थापन करून अडीच सत्ताधारी भाजपच्या बाजूला जाऊन बसले. पण तरीही मुंबईकरांनी शिंदेंना २८ जागा देऊन शिवसेना तुमची नाही, हे स्पष्टपणे निकालातून सांगितलं.

शिवसेनेमध्ये उभी फूट पडल्यानंतर शिंदे यांनी ४० आमदार घेऊन वेगळा गट स्थापन केला आणि भाजपसोबत हातमिळवणी करून सरकारमध्ये सामील झाले. त्यानंतर ठाकरे गटातील आमदार, पदाधिकाऱ्यांनी शिंदे गटाची वाट निवडली. त्यानंतर २०२४ मध्ये झालेल्या लोकसभा  निवडणुकीत मुंबई मतदारसंघात पहिली परिक्षा होती.

२०२४ विधानसभा निवडणुकीमध्ये ठाकरे गटाने १० जागा जिंकल्या होत्या. तर शिंदे गटाने फक्त ३ जागा जिंकल्या होत्या.

मुंबईच्या मतदारांनी ठाकरे गटाला सर्वाधिक पसंती दिली होती. शिंदेंनी शिवसेना आमचीच असल्याचं असं सांगितलं तरी मुंबईच्या मतदारांनी पहिला कौल हा विधानसभेत दिला होता. 

त्यानंतर २०२४ च्या लोकसभा निवडणुकीमध्येही शिंदे गटाचं पानिपत झालं होतं. शिंदे गटाला फक्त एकच जागा जिंकता आली होती. शिंदे गटाच्या रवींद्र वायकर यांनी अमोल किर्तीकर यांचा फक्त ४८ मतांनी परभाव केला होता. 

त्यानंतर आता महापालिकाच्या निवडणुका पार पडल्या. या निवडणुकीत ठाकरेंची प्रतिष्ठापणाला लागली होती. मराठीच्या मुद्यावर एकत्र आलेले ठाकरे बंधू पालिकेत एकत्र लढले. अदानी आणि मराठी मुद्दे लावून धरत ठाकरेंनी मुंबई ढवळून काढली. 

अखेरीस, मुंबईच्या मतदारांनी ठाकरे बंधूंना खास करून मराठी मतदारांनी भरभरून मतदान दिलं. ठाकरे बंधूंनी ७२ जागा जिंकल्या. ठाकरे गटाने सर्वाधिक ६५ जागा जिंकल्या. ठाकरे गट हा पालिकेत दोन नंबरचा सर्वात मोठा पक्ष ठरला. तर मनसेला ६ जागांवर विजय मिळाला. पण, शुन्य झालेल्या जागा आता ६ मध्ये आल्या आहेत. त्यामुळे मनसेला हा आकडा मैदानात उभं राहण्यासाठी भरपूर आहे. 

तर दुसरीकडे शिंदे गटाला मुंबईच्या मराठी मतदारांनी २८ जागांवर विजय मिळवून दिला. मुळात ही निवडणूक भावनिक मुद्यावर लढली गेली. मुंबईतला मराठी मतदार हा ठाकरेंचा बालेकिल्ला समजला जातो. मागील 2017 च्या पालिका निवडणुकीत शिवसेनेला ८४ जागा मिळाल्या होत्या. आता जागा कमी होऊन ६५ झाल्या आहेत. पण जागा जरी झाल्या असल्या तरी शिवसेना कुणाची आहे, हे मुंबईकर मराठी मतदारांनी निकाली काढलं आहे.