Crime News : सोडा...आम्हाला जाऊ द्या! दुसऱ्या धर्मातल्या मुलांसोबत फिरताना दिसली, मुलीला टोळक्याने बेदम मारलं

सिद्धार्थ गोदाम, प्रतिनिधी, छत्रपती संभाजीनगर: मागील काही काळात मोराल पोलिसिंग करणाऱ्या टोळक्यांची संख्या वाढली असल्याचे म्हटले जाते. लोकांच्या खाण्यापासून ते कोणी कुठं आणि कोणासोबत प्रेम करावे हे सांगणारी टोळी उगवली असल्याचीदेखील चर्चा होते. अशीच एक घटना छत्रपती संभाजीनगरमध्ये समोर आहे. दुसर्‍या धर्मातील मुलासोबत का फिरते, असा जाब विचारत टोळक्याने मुलीला बेदम मारले. त्याशिवाय, त्यांनी मुलालादेखील मारहाण केली आहे. या घटनेचा व्हिडीओ व्हायरल होत असून आरोपींवर कारवाईची मागणी केली जात आहे.