छातीवर-मानेवर ओरखडे, विद्यार्थिनीला नराधम ओढून नेताना CCTVमध्ये कैद, सामूहिक अत्याचार प्रकरणात मोठी अपडेट

मनोजित मिश्रा, प्रॉमित मुखर्जी, झैद अहमद आणि एक कॉलेज सुरक्षा रक्षक असं अटक केलेल्या आरोपींची नावं आहे. या प्रकरणात आता मोठी माहिती समोर आली आहे. पीडितेनं तक्रारीत म्हटल्यानंतर चारही आरोपी पीडितेला ओढत घेऊन जाताना कॉलेजच्या सीसीटीव्ही कॅमेऱ्यात कैद झाले आहेत. मुख्य आरोपी मनोजित मिश्रा याने इतर आरोपींच्या मदतीने हा अत्याचार केला आहे.

पीडितेनं दिलेल्या तक्रारीनुसार, आरोपी मनोजित याचे पीडितेवर एकतर्फी प्रेम होतं. यातून त्याने घटनेच्या दिवशी पीडितेला लग्नाची मागणी घातली होती. पण पीडितेला बॉयफ्रेंड असल्याने तिने मनोजितचा प्रस्ताव नाकारला. तसेच आपण आपल्या बॉयफ्रेंडसोबत लग्न करणार असल्याचं सांगितलं. याचाच बदला घेण्यासाठी आरोपी मनोजितने जबरदस्ती करत तिच्यावर अत्याचार केला. यावेळी आरोपीनं हॉकी स्टिकने तरुणीला मारहाण केल्याचा देखील आरोप आहे.

आरोपी एवढ्यावरच थांबले नाहीत, तर त्यांनी अत्याचारानंतर तिला ब्लॅकमेल करता यावं, यासाठी तिचे अश्लील व्हिडीओ देखील शूट केले, असा आरोपही पीडितेनं केला. या प्रकरणात आता मोठी अपडेट समोर आली आहे. लॉ कॉलेज कॅम्पसमध्ये झालेल्या कथित सामूहिक बलात्कार प्रकरणात, खळबळजनक सीसीटीव्ही फुटेज समोर आले आहेत. ज्यात दोन आरोपी तिला जबरदस्तीने कॉलेज कॅम्पसमध्ये ओढत घेऊन जाताना दिसत आहेत. ही घटना २५ जून रोजी कॉलेजच्या गार्ड रूममध्ये घडली.

आता तरुणीचा मेडिकल अहवाल देखील समोर आला आहे. ज्यात तरुणीच्या छातीवर, मानेवर ओरखडे असल्याचं रिपोर्टमध्ये नमूद करण्यात आलं आहे. तिच्या गुप्तांगावर कोणत्याही बाह्य खुणा आढळल्या नाहीत. मात्र बलात्काराची शक्यता नाकारता येत नाही, असं वैद्यकीय अहवालात म्हटलं आहे.