Goshala: ना दान, ना सरकारी अनुदान, गाई जिवंत ठेवण्याचंच आव्हान, राज्यातील भयानक वास्तव!

छत्रपती संभाजीनगर : राज्यातील अनेक गोशाळा आर्थिक संकटात सापडल्या आहेत. गेल्या सहा ते आठ महिन्यांपासून शासनाकडून मिळणारे अनुदान थकले असून, त्यामुळे गोशाळा चालकांच्या अडचणींमध्ये भर पडली आहे. याशिवाय, सरकारकडून अनुदान मिळते, अशी समजूत झाल्याने दानशूरांकडून येणाऱ्या देणग्यांमध्येही मोठी घट झाली आहे. परिणामी, गोधनाचे संगोपन करणे हे गोशाळांसाठी कठीण आव्हान बनले आहे.