Mumbai Crime: आठवीच्या मुलांच भयंकर कृत्य! शौचालयात जाऊन नको ते केलं, मुंबई हादरली

मिळालेल्या माहितीनुसार, आरोपी विद्यार्थी गेल्या काही दिवसांपासून पीडित मुलासोबत अश्लील वर्तन करत होता. सुरुवातीला शाळेच्या परिसरात सुरू असलेला हा प्रकार पुढे अधिक गंभीर वळणावर गेला. आरोपीने पीडित मुलाला त्याच्या घराजवळील एका निर्जन ठिकाणी नेऊन त्याच्यावर जबरदस्ती करत लैंगिक अत्याचार करण्याचा प्रयत्न केल्याचे समोर आले आहे. या घटनेनंतर पीडित मुलगा मानसिकदृष्ट्या हादरून गेला होता.

धक्कादायक गोष्ट म्हणजे, पोलिस तपासात याआधीही अत्याचार झाल्याचे निष्पन्न झाले आहे. फेब्रुवारी 2025 मध्ये आरोपीने पीडित मुलाला मारहाण करून शाळेच्या बाथरूममध्ये नेले आणि तिथे त्याच्यावर बळजबरी लैंगिक अत्याचार केल्याचे उघड झाले आहे. मात्र भीतीमुळे आणि धाकामुळे पीडित मुलाने ही घटना कुटुंबीयांपासून लपवून ठेवली होती.

पण आता त्याने धीर दाखवत आईला घडलेला सर्व प्रकार सांगितला. त्यानंतर आईने लगेचच स्थानिक पोलिस ठाणे गाठत तक्रार दाखल केली. तक्रारीनंतर पोलिसांनी तात्काळ त्या अल्पवयीन मुलावर गुन्हा नोंदवत, लैंगिक गुन्ह्यांपासून मुलांचे संरक्षण अधिनियम (POCSO) अंतर्गत आरोपीविरोधात कारवाई सुरू केली आहे.

सध्या पोलीस शाळेतील अधिकारी, शिक्षक आणि पालकांची चौकशी करत असून, घटनेमागील सर्व बाबींचा सखोल तपास सुरू आहे. या प्रकरणामुळे संबंधित शाळेत भीतीचे वातावरण पसरले असून, पालकांमध्ये तीव्र चिंता व्यक्त केली जात आहे.