आई की वैरीण? पती वेळेत घरी आला नाही, तिनं दीड वर्षाच्या लेकीलाच..., लातूर हादरलं!

लातूरच्या श्यामनगर परिसरातून धक्कादायक प्रकार पुढे आला आहे. ज्या हातांनी घास भरवायचा, त्याच हातांनी मृत्यूचे तांडव केले. केवळ पती घरी यायला उशीर झाला, या क्षुल्लक कारणावरून एका मातेने आपल्या पोटच्या दीड वर्षाच्या 'नंदिनी'वर चाकूचे वार करून तिला कायमचे शांत केले. ही घटना केवळ गुन्हा नाही, तर माणुसकीच्या काळजावर झालेला कधीही न भरणारा वार आहे. विशेष म्हणजे पोलिसांनी तिला अटक करून मंगळवारी न्यायालयात हजर केले असता तिला न्यायालयीन कोठडी सुनावण्यात आली.

तब्बल 30 तास मानसोपचार तज्ज्ञांच्या निगरानीखाली ठेवल्यानंतर मानसिकदृष्ट्या ती तंदुरुस्त असल्याचा दावा करण्यात आला आहे. अश्विनी चौगुले असं या निर्दयी मातेचं नाव असून तिची न्यायालयीन कोठडीत रवानगी केली आहे.