Nimisha Priya : निमिषा प्रिया, केरळच्या नर्सने असं काय केलं? ज्यामुळे येमेनने दिली फाशीची शिक्षा

नवी दिल्ली : येमेनमध्ये फाशीची शिक्षा सुनावण्यात आलेल्या केरळच्या नर्स निमिषा प्रिया यांची जमेल ती मदत करत असल्याचं भारताकडून स्पष्ट करण्यात आलं आहे. एका येमेनी नागरिकाच्या हत्येप्रकरणी निमिषा प्रिया यांना येमेनमध्ये फाशीची शिक्षा सुनावली आहे. परराष्ट्र मंत्रालयाचे प्रवक्ते रणधीर जयस्वाल यांनी या प्रकरणावर सरकारची भूमिका मांडली आहे. 'आम्हाला येमेनमध्ये निमिषा प्रियाला देण्यात आलेल्या शिक्षेबाबत माहिती मिळाली आहे. प्रियाचं कुटुंब पर्यायांवर विचार करत आहे, भारत सरकार या प्रकरणात जमेल ती मदत करत आहे', असं रणधीर जयस्वाल म्हणाले.